काठमाण्डौं ६, असोज । देशभर बिमालाई विस्तार गराउने उदेश्यका साथ सन नेपाल इन्सोरेन्स कम्पनी लिमिटेड आज बाट सञ्चालनमा आएको छ । कार्यक्रममा बोल्दै अध्यक्ष अनुप गयालले सन नेपाल इन्सोरेन्सले समस्त बिमा अनुग्राहीको सेवामा अपेक्षा पुरा गरी बिमा क्षेत्रको विकास र प्रबद्धनमा टेवा पुर्याई बिमा क्षेत्रको उदाहरणीय कम्पनी बनेर अघि आउने बताउनुभएको छ ।

त्यसैगरी संञ्चालक प्रमोदकुमार अग्रवालले कम्पनीले विमालाई देशभरका नागरीक समक्ष पुर्याउने लक्ष्य लिएको बताउनुभएको छ ।

कार्यक्रममा प्रमुख आतिथ्य ग्रहण गर्नु भएका नियमन विमा समितीका अध्यक्ष चिरन्जीवी चापागाईले नेपालमा बैंकको तुलनामा विमा क्षेत्रको कभरेज कम रहेको बताउदै आउदो वर्षमा विमालाई बैंकसंग प्रतिस्पर्धात्मक बनाई अघि लगिने बताउनुभएको छ । त्यसका लागि उहाले सन लाईफ इन्सोरेन्सले चालेको कदमप्रति शुभकामना व्यक्त गर्नुभयो । साथै नेपाल सरकारले विमा लाई मजबुत बनाउन वेग्लै निक्षेप लागु गर्नुपर्ने माग राख्नुभयो । यसका साथै उहाँले कम्पनीलाई स्वस्थ्य प्रतिस्पर्धा गर्न र पुरानाभन्दा युवा कर्माचारीलाई कम्पनीमा आबद्ध गर्न आग्रह गर्नुभएको छ ।

कार्यक्रममा विशेष अतिथीका रुपमा आउनुभएका सिताराम कट्टेलले कार्यक्रममा बोल्दै जिवनको ग्यारेन्टी नभएको बेला बिमा गर्न अत्यन्तै महत्वपूर्ण भएको भन्दै सबैलाई बिमा गर्न आग्रह गर्नुभयो । त्यसका साथै उहाँले रौतहटको सन्तपुरमा दलित समुदायको लागि अर्को एकिकृत वस्ती निमार्ण प्रारम्भ भएको जानकारी दिदै धुर्मुस सुन्तली फाउन्डेसनलाई सहयोग गर्ने सबै देश विदेशका नागरीकलाई धन्यवाद दिनुभयो ।

कार्यक्रममा संञ्चालक प्रमोदकुमार अग्रवाल, प्रमुख अतिथी चिरन्जीवी चापागाई, विशेष अतिथी सिताराम कट्टेल, कुञ्जना घिमीरे र कम्पनीका अध्यक्ष अनुप अग्रवालले रिबन काटेर कम्पनीको शुभारम्भ गर्नुभएको हो ।