रत्ननगर,९ पुस । नारायणगढ-मुग्लिन सडकखण्ड अन्तर्गत भरतपुर महानगरपालिका–२ आँपटारीमा बसको ठक्करबाट एक जनाको मृत्यु भएको छ ।
गएराति सवा १२ बजे काठमाडौँबाट जनकपुर आउँदै गरेको ना७ख १६४२ नंको बसले विपरीत दिशाबाट आइरहेको ना६१प २२३७ नंको मोटरसाइकललाई ठक्कर दिँदा भरतपुर महानगरपालिका–१० ढुङ्गाना चोकमा बस्ने २१ वर्षीय दिप्सन आर्चायको मृत्यु भएको हो ।
ठक्करबाट गम्भीर घाइते भएका आर्चायको उपचारका क्रममा कलेज अफ मेडिकल साइन्सेस भरतपुरमा मृत्यु भएको जिल्ला प्रहरी कार्यालय चितवनका प्रमुख सुशील सिंह राठौरले जानकारी दिनुभयो । मोटरसाइकलमै सवार भरतपुर महानगरपालिका–२३ जगतपुर बस्ने ३३ वर्षीय भीम लामाको पुरानो मेडिकल कलेजमा उपचार भइरहेको छ ।
प्रतिक्रिया दिनुहोस्