दाङ, ९ पुस । दाङको घोराहीमा दुर्घटना हुँदा एक व्यतिmको निधन र एक व्यतिm गम्भीर घाईते भएपछि शीर्जना भएको तनाबलाई नियन्त्रण लिन प्रहरीले अश्रुग्यास प्रहार गरेको छ ।

गाडि चालकको लापरबाहीले गर्दा दुर्घटना भएको भन्दै आफन्तले शव उठाउन नदिएपछि शीर्जना भएको तनाबलाई नियन्त्रण गर्न अश्रुग्यास प्रयोग गरिएको जिल्ला प्रहरी कार्यालय दाङका प्रहरी निरीक्षक बेलबहादुर पाण्डेले बताउनुभयो ।

अश्रुग्यास प्रहार गरि शव उठाएको र तनावलाई तितर बितर बनाएको उहाँको भनाई छ ।सोमबार दाङको घोराहीका बसको ठक्करबाट स्कुटर चालकको मृत्युभएको छ ।

घोराही उपमहानगरपालिका वडा नम्बर १४ लखनपार्कको घोराही हस्पिटल नजिकै लु २ ख १६०२ नम्बरको बसले रा ३ प १९७४ नम्बरको स्कुटरलाई सोमबार विहान साढे ११ बजे तिर ठक्कर दिदा चालक घोराही उपमहानगरपालिका १८ फुर्सेखाली निबासी २९ वर्षिय मेघराज पुनमगरको मृत्युभएको हो । एउटै दिशामा गुडिरहेका स्कुटरलाई बसले ठक्कर दिँदा पुनको घटना स्थलमै मृत्युभएको प्रहरीले बताएको छ ।

स्कुटरमा सवार फुर्सेखालीकै २४ वर्षिय महेश बुढामगर घाईते भएका छन् । उनको राप्ती स्वास्थ्य विज्ञान प्रतिष्ठानमा उपचार भईरहेको छ । यसैबीच घटना पछि आफन्त तथा स्थानीयबासीले बसमा तोडफोड गरेका छन् ।

शवलाई राप्ती स्वास्थ्य विज्ञान प्रतिष्ठानको शव गृहमा राखिएको छ भने बस र चालकलाई प्रहरी नियन्त्रणमा लिएको छ । प्रत्यक्षदर्शीहरुले बस तिब्र गतिमा रहेको बताएका छन् ।