काठमाडौं, २८ भाद्र । डोटीको जोरायल गाउँपालिका– २, छतिवनमा ना ७ ख ९११४ नम्बरको यात्रुबाहक बस दुर्घटना हुँदा २४ जना घाइते भएका छन् । ५ जनाको अवस्था गम्भिर रहेको छ ।
दार्चुलाबाट महेन्द्रनगरका लागि हिँडेको बस बिहीबार बिहान ३ बजे दुर्घटना भएको हो ।
जिल्ला प्रहरी कार्यालय, डोटीका प्रहरी नायब उपरीक्षक लालबहादुर धामीका अनुसार, बसमा कति यात्रु थिए भन्ने नखुले पनि २४ यात्रु घाइते भएका छन् ।
उनीहरुको उद्धार गरी उपचारका लागि कैलालीका विभिन्न अस्पतालमा लगिएको जानकारी प्रहरी नायब उपरीक्षक धामीले दिए ।
सडकबाट ६० मिटर तल खसेको बस दुर्घटनाको कारण खुलेको छैन यसबारे थप अनुसन्धान भइरहेको जनाएको छ ।
प्रतिक्रिया दिनुहोस्