नवलपरासी,२६ भाद्र । नेपाली नारीहरुको महान चाड हरितालीका तिजको अवसरमा रजहर बजार व्यवस्थापन समितिले रजहर तिज गित प्रतियोगिता कार्यक्रम गर्ने भएको छ । समितिले यहि भाद्र २७ गते हरितालीका तिजको दिन देवचुली(१६,रजहर बजारमा तिज गित प्रतियोगिता कार्यक्रमको आयोजना गर्ने भएको हो ।

कला संस्कृति लाई संरक्षण गर्दै वषौं देखि गर्दै आएका यस कार्यक्रमलाई थप निरन्तरता दिदै यस वर्ष पनि तिज गित प्रतियोगिता गरिएको बजार व्यवस्थापन समितिका अध्यक्ष सन्तोष थापाले जानकारी दिएका छन ।

राष्ट्रिय ख्यातिप्राप्त कलाकारहरू साथमा हुने प्रतियोगितामा प्रथम हुनेलाई १०,००० हजार , द्धितियलाई ७,००० हजार , तृतिय हुनेलाई ५,००० हजार पुरस्कार स्वरुप व्यवस्था गरिएको आयोजकले जानकारी दिएको छ ।

कार्यक्रममा गायिका सरु गौतम ,गायिका एन्जिला रेग्मी सगै स्थानीय कलाकारहरूको बेजोड प्रस्तुति रहने बताइएको छ । कार्यक्रमलाई भव्यताका साथ सफल बनाउन कार्यक्रमको तयारी तिव्र पारिएको आयोजक समितिका सदस्य विक्रम कोईरालाले बताए ।

प्रतियोगितामा सहभागी हुन ईच्छुक समुहले भाद्र २६ गते सम्म आफ्नो समूहको दर्ता गरिसक्नुपर्ने आयोजक समितिले जानकारी गराएको छ ।