डोल्पा, २५ भाद्र । डोल्पामा मिशन नेपालद्धारा कानुनी साक्षात्कार कार्यक्रम सम्पन्न भएको छ । त्रिपुरा सुन्दरी नगरपालिकाको केन्द्र बगर बजारमा आयोजना गरिएको कानुनी साक्षात्कार कार्यक्रममा नयाँ मुलुकी ऐन,अपराध सहिंता ऐनको विषयमा सरोकारलाहरुहरु छलफल गरिएको हो ।

“भाद्र १ गते देखि लागु भएको नयाँ मुलुकी ऐनमा जनतालाई मात्रै नभई जनप्रतिनिधिमा समेत अन्योलता छ,सो अन्योलता हटाई कानुनको पालना र यसको प्रयोग कसरी गर्ने भन्ने विषयमा छलफल गरेका हौँ” मिशन नेपाल डोल्पाका अध्यक्ष आमेन्द्र केसीले बताए ।

“जिल्लाका आठवटै स्थानीय तहमा यस्तो कार्यक्रम राखेका छौँ,कानुनी साक्षात्कार कार्यक्रममा नगर प्रमुख,उप प्रमुख,वडा अध्यक्ष,सदस्य लगाएत नगरका विभिन्न गाँउहरुबाट समेत सर्वसाधारणलाई बोलाएर नयाँ ऐनको विषयमा प्रष्ट पार्दै आएका छौँ”केसीले भने ।

यस्तो किसिमको साक्षात्कार कार्यक्रमले कानुन पालना गराउने पक्ष र गर्ने पक्ष समेत जानकारहुने भएकाले नयाँ कानुन कार्यन्वयनमा सघाउ पुग्ने विश्वास ब्यक्त गरिएको मिशन नेपालले जनाएको छ ।

देशका पचास भन्दा धेरै जिल्लामा गठन गरिएको उक्त सँस्थाले शान्ति,शु–शासन,भ्रष्टाचार,महिला हिंसा,घरेलु हिंसा,बाल शोषण,अन्ध विश्वास लगाएतका बिषयमा आवाज उठाउँदै आएकोे छ ।