काठमाडौं,२४ भाद्र । पोखराको बेगनास तालमा शनिबार डुंगा डुब्दा बेपत्ता भएका ६ जना अझै पत्ता लागेका छैनन् ।जिल्ला प्रहरी कार्यालय कास्कीका अनुसार बेपत्ताहरूको बिहानैदेखि खोजी भइरहेको बताइएको छ ।
आफन्तको घरमा दर खाएर फर्किने क्रममा बेगनास तालमा शनिबार दिउँसो डुंगा डुब्दा ३२ वर्षीय रवि खनाल, ७ वर्षका शंकर खनाल, ८ वर्षका शिव खनाल, ५ वर्षका प्राचीन पौडेल, १८ वर्षकी मनिषा बजगाईं र ४ वर्षीय रन्जित गैरे बेपत्ता भएका छन ।
घटनालगत्तै उद्धार गरिएका चार जनामध्ये उपचारका क्रममा दुई जनाको मृत्यु भएको थियो । दुर्घटनामा परेका सरला खनाल र निशा पौडेल उपचारपछि घर फर्किएका प्रहरीले बताएको छ ।
प्रतिक्रिया दिनुहोस्