पोखरा,२० भाद्र । १८ औं एसियाडमा भाग लिएर आएको प्याराग्लाइडिङ टिमलाई मंगलबार पोखरामा सम्मान गरेका छन । उनीहरलाई पश्चिमाञ्चल क्षेत्रीय तथा जिल्ला खेलकुद विकास समिति लगायत विभिन्न संघसंस्थाले स्वागत तथा सम्मान गरेको हुन ।

उनीहरूलाई नेपाल हवाई खेलकुद संस्था, प्याराग्लाइडिङ पाइलट खेलकुद क्लब, नेपाल प्याराग्लाइडिङ एन्ड ग्लाइडिङ एसोसिएसन, राष्ट्रिय तथा अन्तर्राष्ट्रिय खेलाडी संघ, खेलकुद पत्रकार मञ्च आदि संघसंस्थाले सम्मान गरेका छन ।

सम्मान कार्यक्रममा युवा तथा खेलकुद मन्त्री जगतबहादुर विश्वकर्माले पहिलेभन्दा अहिलेको बजेटले खेलकुदलाई प्राथमिकतामा राखेको दाबी गरेका छन ।

‘अहिलेको बजेटले अन्र्तराष्ट्रिय खेलमा स्वर्ण पदक जित्ने खेलाडीलाई आजीवन मासिक ५ हजार र ओलम्पिकमा भाग लिने खेलाडीलाई आजीवन मासिक ३ हजार दिने व्यवस्था गरेको उनले बताएका छन ।

मन्त्री विश्वकर्माले प्रत्येक खेलाडीको मनोबल बढाउन आफू प्रतिबद्ध रहेको बताएका छन। ‘सरकार खेलाडीका लागि पायक पर्ने न्यूनतम वातावरण निर्माण गर्न लागि परिरहेको उनले बताए ।

उनले सरकारले लगानी गरे त्यसको प्रतिफल पाइने हुनाले खेलकुदमा लगानी बढाइरहेको सुनाए।मन्त्री विश्वकर्माले पोखरालाई एडभेन्चर र हाइअल्टिट्युड खेलका रुपमा चिनाउन चाहेको बताए।

‘पोखरालाई खेलकुद हबको रुपमा चिनाउन सरकारले गृहकार्य गरिरहेको  विश्वकर्माले बताएका छन । सरकारले प्याराग्लाइडिङमा मात्रै नभएर सबै खेलमा आवश्यक लगानी गर्न नसकेको बताए । ‘लगानी धेरै भए खेलाडीले अझै राम्रो गर्न सक्ने उनको भनाइ छ  ।