काठमाडौं,९ भाद्र । कञ्चनपुरकी १३ वर्षीय बालीका निर्मला पन्तका हत्यारालाई तीन हप्तासम्म पनि खोजविन र कारर्वाही नगरेको आरोपमा एसपी, डीएसपी र मुद्दा फाँटका प्रहरीलाई गृहमन्त्रालयले कारर्वाही गर्ने भएको छ ।

हत्यारा को हो भन्ने विषयमा सत्य तथ्या पत्ता नलगाएपछि उनीहरुलाई कारर्वाही गर्ने भएको हो । घटनामा अनुसन्धानको माग भइरहेकाले एसपीका छोरालाई समेत पक्राउ गरिने भएको छ ।

निर्मलाको हत्याको घटनामा निश्पक्ष छानविन गर्नुको साटो तीन हप्तासम्म जिम्मेवारी पुरा नगरेको आरोप लागेपछि गृहमन्त्रालयले भाद्र ७ गते कञ्चनपुरका एसपी डिल्लीराज विष्ट, डीएसपी ज्ञानबहादुर सेटी र प्रमुख जिल्ला अधिकारीलाई फिर्ता बोलाउने निर्णय गरेको थियो ।

अब उनीहरुलाई गृहमन्त्रालयमा झिकाएर कञ्चनपुर घटनाबारे वयान लिइने स्रोतले पत्रकारलाई बताएको छ । यसका लागि प्रधानमन्त्री केपी ओलीले शनिबार बिहानै बालुवाटारमा गृहमन्त्री रामबहादुर थापा (बादल) लाई निर्देशन दिएको जनाइएको छ ।

निर्मलाको बलात्कार सम्बन्धी घटनामा शंकास्पद देखिएको भनिएका एसपीका छोरा र मेयरका भतिजालाई समेत अनुसन्धानको दायरामा ल्याउन गृहमन्त्रालयले जिल्लालाई निर्देशन दिनेबारे प्रधानमन्त्री र गृहमन्त्रीवीच छलफल भएको स्रोतले बताए ।