काठमाडौं, २२ साउन । बलिउड अभिनेत्री प्रियंका चोपडा फिल्म ‘भारत’बाट बाहिरिएपछि चर्चामा रहेकी छन् । यसैबीच हालै भएको एक कार्यक्रममा प्रियंकाको विषयमा प्रश्न गर्दा सलमानले आफूले आजकाल पत्रिका नपढेको र यस विषयमा केही पनि थाहा नभएको बताए ।

तर, सोमबार साँझ दिल्लीमा आयुषको फिल्मको ट्रेलर सार्वजनिक समारोहमा सलमानले प्रियंकाबारे बोलेका थिए । उनले भने, ‘म उनको लागि निकै खुशी छु । अहिले उनले हलिउडमा राम्रो फिल्म साइन गरेकी हुनसक्छ । हामी उनलाई रोक्दैनौं ।’

उनले थपे, ‘यो कुरा अलि पहिला थाहा पाएको भए राम्रो हुन्थ्यो । अन्तिम क्षणमा हामीले थाहा पायौं । शूटिङ सुरु हुनुभन्दा करिब दस दिनअघि फिल्म छाड्नेबारे हामीले जानकारी पायौं ।  शेड्यूलको दिन उनले फिल्म छाड्ने कुरा आयो । र, हामीले सहजै हुन्छ भन्यौं ।’

उनले त्यसबेला अरु कुनै कारण भनेर फिल्म छाडेको सलमानले बताए । सलमानले भने, ‘कारण पिक्चर होस् या विवाह, उनले हलिउडमा टिभी सिरियल वा फिल्मा काम गरे म खुशी हुन्छु । उनलाई सँधै सपोर्ट गरिरहनेछु ।’