काठमाडौं, ३१ असार । फान्सले बीस वर्षपछि फेरि विश्वकप फुटबलको उपाधि जितेको छ । फान्सले क्रोएसियालाई हराउँदै दोस्रो पटक विश्वकप फुटबलको उपाधि जितेको हो । मस्कोमा भएको खेलमा फ्रान्सले क्रोएसियालाई ४ २ गोल अन्तरले पराजित गर्यो ।

खेलमा फ्रान्सले १८ औ मिनेटमा आत्मघााती गोलमार्फत अग्रता लियो । कर्नर बललाई हेडमार्फत क्लियर गर्न लाग्दा क्रोएसियाका मारियो मान्जुकिजले आफ्नै पोस्टमा गोल गर्न पुगेका थिए । त्यसपछि क्रोएसियाले २८ औं मिनेटमै गोल फर्काएर खेल बराबरीमा ल्याएको थियो । उसका लागि इभान पेरिसिकले बराबरी गोल गरे ।

क्रोएसियाले खेल बराबरीमा ल्याएको १० मिनेटमै फेरि फ्रान्सले पेनाल्टी पायो र अग्रता लिने मौका पायो । कर्नर बलमा क्रोएसियाली डिफेन्डरले ह्याण्ड गर्न पुग्दा पाएको पेनाल्टीलाई फ्रान्सका एन्टोनि ग्रिजम्यानले गोलमा परिणत गरे ।

दोस्रो हाफमा बलमाथि क्रोएसियाले बढी नियन्त्रण गरे पनि फ्रान्सले पाएका अवसर सदुपयोग गर्दा फाइनल खेलमा फराकिलो जित दर्ता गर्न सफल भयो । फ्रान्सका लागि ५९ औं मिनेटमा पाउल पोग्वा र ६५ औं मिनेटमा केलियन एम्बाप्पेले गोल थपे । क्रोएसियाका लागि सान्त्वना गोल मारियो मान्जुकिजले ६९ औं मिनेटमा गरे ।

विश्व चर्चित फुटवलर पेलको लयलाई फ्रान्सकाय युवा खेलाडी एम्बाप्पे देखिएका छन् । एम्बापेले नै प्रिक्वाटर फाइनलमा विश्व चर्चित लियोनेल मेसीलाई स्तव्ध पारेका थिए ।