“सार्वजनिक खपतको विषय मात्र होइन, निष्कर्ष निकालिनुपर्छ”

काठमाडौं— नेपाली कांग्रेसका सभापति गगन थापा ले जेनजी आन्दोलनका क्रममा नेताका घरमा भेटिएको र जलेको पैसाबारे कानुनसम्मत अनुसन्धान हुनुपर्ने माग गरेका छन् ।

मंगलबार पार्टी केन्द्रीय कार्यालय सानेपामा सुरु भएको केन्द्रीय कार्यसमिति बैठकलाई सम्बोधन गर्दै सभापति थापाले भने, “जेनजी आन्दोलनका क्रममा भदौ २४ गते नेताका घरमा भेटिएका पैसाको कानुनसम्मत अनुसन्धान हुनुपर्छ । अनुसन्धान गर्ने विषय सार्वजनिक खपतको मात्र होइन, निष्कर्ष निकालिनुपर्छ ।”

भदौ २४ को घटना

जेनजी आन्दोलनका क्रममा कांग्रेसका तत्कालीन सभापति शेरबहादुर देउवा को बुढानीलकण्ठस्थित घरमा आन्दोलनकारीले आगजनी गरेका थिए । त्यस क्रममा घरभित्र ठूलो मात्रामा पैसा जलेको भिडियो सार्वजनिक भएको थियो ।

त्यही दिन कांग्रेसका अर्का नेता दीपक खड्का को बुढानीलकण्ठस्थित घरमा पनि आगजनी भएको थियो र त्यहाँ पनि पैसा जलेको भिडियो बाहिर आएको थियो । देउवा दम्पतीमाथि साङ्घातिक आक्रमणसमेत भएको थियो ।

गगन थापाले यी दुवै घटनामा भेटिएको पैसाबारे पूर्ण छानबिन हुनुपर्नेमा जोड दिएका छन् ।

अख्तियार दुरुपयोग र नीतिगत भ्रष्टाचार पनि छानबिन गर

सभापति थापाले अख्तियारको दुरुपयोग र नीतिगत भ्रष्टाचारका विषयमा पनि तथ्यसंगत छानबिन गर्नुपर्ने बताए । उनले भने, “यी विषयलाई पनि छोड्न सकिँदैन ।”

बैठकका ५ एजेण्डा

केन्द्रीय कार्यसमिति बैठकमा महामन्त्री प्रदीप पौडेलले निम्न ५ एजेण्डा पेस गरेका छन् :

समसामयिक संविधान संशोधन अध्ययनका लागि विज्ञ समिति गठन

१५औँ महाधिवेशनको तयारी, उम्मेदवारसँग प्रदेशस्तरीय निर्वाचन समीक्षा, प्रदेश तथा स्थानीय सरकारको प्रभावकारी सञ्चालन, भ्रातृ संघ, शुभेच्छुक संस्था तथा जनसम्पर्क समितिको भूमिका

यो बैठकमा सभापति गगन थापा प्रतिनिधिसभा निर्वाचनपछि पहिलो पटक औपचारिक रूपमा केन्द्रीय कार्यसमिति बैठकमा उपस्थित भएका छन् ।

थापाको भनाइले कांग्रेसभित्र भ्रष्टाचार र आन्तरिक शुद्धीकरणको बहस फेरि एकपटक तातिएको छ । अब पार्टीले यी विषयमा के गर्छ ? अनुसन्धान हुन्छ कि फेरि पनि ‘सार्वजनिक खपत’ मा मात्र सीमित रहन्छ ? कांग्रेस नेतृत्वले दिने जवाफ निकै चासोको विषय बनेको छ ।