सिरहा, २७ फागुन । सिरहा जिल्ला अदालत अगाडि रहेको बार एसोसिएसन कार्यालयमा शंकास्पद वस्तु विस्फोट हुँदा कर्मचारी सौरभ यादव घाइते भएका छन्।
घाइते यादवलाई उपचारका लागि प्रादेशिक अस्पताल सिरहा पठाइएको छ। प्रहरीले विस्फोट सुतली बमबाट भएको प्रारम्भिक अनुसन्धान गरेको छ र कार्यालयका कम्प्युटर सामग्रीमा क्षति पुगेको जनाएको छ।
२७ फागुन, सिरहा । सिरहा जिल्ला अदालत अगाडि रहेको बार एसोसिएसन कार्यालयमा शंकास्पद वस्तु विस्फोट हुँदा एक कर्मचारी घाइते भएका छन् ।

घाइते हुनेमा सिरहा नगरपालिका–१ घर भएका सौरभ यादव रहेका छन्। उनलाई उपचारका लागि प्रादेशिक अस्पताल सिरहा पठाइएको छ।

जिल्ला प्रहरी कार्यालय सिरहाका प्रवक्ता एवं डीएसपी रमेशबहादुर पालका अनुसार कार्यलयभित्र राखिएको शंकास्पद वस्तु विस्फोट भएको हो ।

घटनाबारे विस्तृत अनुसन्धान भइरहेको उनले जानकारी दिए।

प्रवक्ता पालका अनुसार प्रारम्भिक अनुसन्धानमा सुतली बम विस्फोट भएको हुनसक्ने आशंका गरिएको छ।

विस्फोटबाट कार्यालयमा रहेका कम्प्युटर लगायतका सामग्रीमा पनि क्षति पुगेको प्रहरीले जनाएको छ।