काठमाडौं । मेडिकल व्यवसायी दुर्गा प्रसाईं फेरि पक्राउ परेका छन् ।

उनलाई सोमबार साँझ भक्तपुरस्थित निवासबाटै पक्राउ गरिएको जिल्ला प्रहरी परिसर, काठमाडौंका एसपी पवन भट्टराईले जानकारी दिए । अहिले उनलाई परिसर ल्याइएको एसपी भट्टराईले बताए ।

यसअघि उनी २३ माघमा काठमाडौंको दक्षिणकाली नगरपालिकाको चाल्नाखेलबाट पक्राउ परेका थिए ।

लगत्तै उनी २५ माघमा हाजिरी जमानीमा छुटेका थिए ।

प्रहरी स्रोतका अनुसार, निर्वाचन बिथोल्ने अभिव्यक्ति दिएको आरोपमा प्रसाईंलाई पक्राउ गरिएको हो ।
त्यो आरोप स्पष्ट नपारिए पनि प्रसाईंले सेना दिवसका अवसरमा अमेरिका सेनाले मार्च गरेको घटनालाई बृहत भूराजनीतिक हस्तक्षेप र पश्चिमा शक्तिको नेपाल क्रिडास्थल बन्दै गरेको भन्ने आफ्नो अभिव्यक्ति पुष्टि भएको भन्दै भिडियो सार्वजनिक गरेपछि पक्राउ गर्नु परेको स्रोतको दावी छ ।
चुनावी सरकारले चुनाव विथोलिने शंकामा छ कि स्वय सरकार चुनाव विथोलियोस् भन्ने चाहन्छ भन्ने विवादमा पर्दै आएको छ । आफ्नो चुनाव प्रचारमा झापा पुगेका एमाले अध्यक्ष केपी शर्मा ओलीले सरकार नै चुनाव भाँड्न लागेको आरोप पुनः दोहराएका छन् ।