काठमाडौं, २ माघ। भक्तपुरमा सिलौटाले प्रहार गर्दा एक महिलाको मृत्यु भएको छ।
मृत्यु हुनेमा ३८ वर्षीया लालमाया तामाङ रहेकी छन्। उनको हत्या गरेको आरोपमा प्रहरीले उनकै श्रीमान् ३७ वर्षीय लनाम तामाङलाई पक्राउ गरेको छ।
भक्तपुर नगरपालिका–३ वंशगोपाल डेगोमना डेरा गरी बस्दै आएका काभ्रे तेमाल गाउँपालिका–९ घर भएका लनाम तामाङलाई बिहीबार बिहान पक्राउ गरिएको जिल्ला प्रहरी परिसर भक्तपुरले जनाएको छ।
प्रहरीका अनुसार वादविवादको क्रममा लनामले सिलौटो प्रहार गर्दा लालमाया तामाङको मृत्यु भएको हो। घटनाबारे थप अनुसन्धान भइरहेको प्रहरीले जनाएको छ।
Voice chat ended
प्रतिक्रिया दिनुहोस्