काठमाडौं, ३१ भदौ । आइतबार राती प्रधानमन्त्री निवास अघि भएको भिडियो र मृतकका परिवारले गरेको प्रदर्शनको सन्दर्भमा सुदन गुरुङले फोन संवादमार्फत स्पष्टीकरण दिएका छन्। उनले केही व्यक्तिहरूले गलत कथा फैलाउनको लागि भिडियो बनाएको कुरा टेकमाकुरा नाम युट्युवको अडियोमा बताएका छन् ।
गुरुङले आफ्नो भनाइलाई गलत तरिकाले प्रस्तुत गरी प्रधानमन्त्रीको राजीनामा मागेको भन्ने कुरामा आपत्ति जनाएका छन्। त्यो प्रदर्शन मृतकका परिवारले आयोजना गरेका थिए, सुधनले भने –उनीहरु प्रधानमन्त्रीलाई ज्ञापनपत्र बुझाउन गएका थिए ।

प्रधानमन्त्री बिरामी भएका कारण भेट्न नसकेको र ज्ञापनपत्र बुझ्न प्रतिनिधि पनि नआएपछि आक्रोशमा को कसले के के नारा लगाएको उनले बताए। उनले ूराजीनामाू भन्ने भनाइ आक्रोशमा आएको सामान्य टिप्पणी मात्र भएको र यसलाई सञ्चारमाध्यमले गलत तरिकाले प्रस्तुत गरेको आरोप लगाए । उनको भनाइ थियो, ूजनताको माग सम्बोधन गर्न नसक्ने प्रधानमन्त्रीले राजीनामा दिनुपर्छ।ू

गुरुङले आफ्नो ुहामी नेपाल नामक टोलीले राष्ट्र निर्माण र संवादको सहजीकरणमा काम गरिरहेको बताएका छन् । उनले आफूलाई नेताभन्दा पनि जनताको आवाजको सहजकर्ता भन्दै टोलीले अब प्रजातान्त्रिक प्रक्रियाबाट नेतृत्व संरचना बनाउने र योग्य व्यक्तिलाई जिम्मेवारी दिने योजना बनाएको छ ।

उनले केही सञ्चारमाध्यमले नकारात्मक कथा बनाइरहेकोमा निराशा व्यक्त गर्दै सञ्चारमाध्यमलाई सनसनीपूर्ण समाचारभन्दा राष्ट्र निर्माणमा सहयोग गर्न आग्रह गरेका छन्।