काठमाडौं २३ भदौ । बानेश्वर क्षेत्रमा कान्तिपुरका भिडिओ पत्रकार श्याम श्रेष्ठलाई गोली लागेको छ। जेन–जीको प्रदर्शनमा भिडिओ खिचिरहेका श्रेष्ठलाई रबरको गोली लागेको कान्तिपुरले जानकारी दिएको छ।

उनको अहिले सिभिल अस्पतालमा उपचार भइरहेको छ।

जेन–जीको प्रदर्शनका कारण बानेश्वर क्षेत्र अस्तव्यस्त बनेको छ। माइतीघर–तीनकुने मुख्य सडक र भित्री सडक प्रदर्शनकारीले भरिएका छन्। केही बेरअघि प्रदर्शनकारी संसद भवनभित्रै प्रवेश गरेर तोडफोड गरेका थिए। त्यसपछि उनीहरूले संसद भवनको दुई नम्बर गेटमा आगो लगाएका थिए। प्रदर्शनकारीले लगाएको आगो अहिलेसम्म नियन्त्रणमा आएको छैन।

प्रदर्शनकारीलाई नियन्त्रणमा लिन सकस भएपछि प्रशासनले संसद भवन आसपासका क्षेत्रमा कर्फ्यु आदेश जारी गरेको छ। तर प्रदर्शनकारीले सडक छाडेका छैनन्।

संसद भवनभित्र रहेका प्रदर्शनकारीलाई भने प्रहरीले बाहिर निकालेको छ।