काठमाडौं, ४ भदौ । अफगानिस्तानमा सडक दुर्घटनामा ७३ जनाको मृत्यु भएको छ। मृत्यु हुनेमा १७ बालबालिका पनि छन्।एक तालिबान अधिकारीले बीबीसी पश्तोलाई बताएअनुसार उनीहरूमध्ये धेरैजसो इरानबाट निष्कासित अफगानी आप्रवासीहरू बसमा सवार थिए।तालिबानका सूचना तथा संस्कृति निर्देशक अहमदुल्लाह मुत्ताकीले काबुल जाँदै गरेको बसमा आगलागी भएको बताए।बसमा रहेका सबै यात्रुको मृत्यु भयो, साथै उक‍्त बसमा ठोक्किएका दुई सवारी साधनमा सवार रहेका दुई जनाको पनि मृत्यु भएको छ।हालैका महिनाहरूमा इरानले आफ्नो देशमा भएको द्वन्द्वबाट भागेका अफगानीहरूलाई देश निकाला गर्ने प्रक्रियालाई तीव्र बनाएको छ।१९७० को दशकदेखि लाखौं अफगानीहरू इरान र पाकिस्तान भागेका छन्। यसमा १९७९ मा अफगानिस्तानमा सोभियत संघको आक्रमणको समयमा र २०२१ मा तालिबान सत्तामा फर्किएपछि ठूलो संख्यामा मानिसहरू समावेश छन्।