ललितपुर । ड्रिम चर्च र लायन्स क्लब अफ काठमाडौंको संयुक्त आयोजनामा भएको रक्तदान कार्यक्रममा ३६ जनाले रक्तदान गरेका छन ।
ललितपुर महानगरपालिका २३ हातिवनमा शनिवारमा आयोजित रक्तदान कार्यक्रममा ३६ जनाले रक्तदान गरेका हुन् ।
अस्पतालहरुमा उपचाररत बिरामीहरुका लागि ब्लडको अभाव देखिएका छन् । पर्याप्त मात्रामा रगत नपाउँदा बिरामीहरुको उपचारका लागि समेत समस्या भएको छ ।
यस्तो अवस्थामा ड्रिम चर्च र लायन्स क्लब मिलेर रक्तदान कार्यक्रमको आयोजना गरिएको हो ।
आफूले समेत पहिलोपटक रक्तदान गरेको अनुभव सुनाउँदै चर्चका पास्टर जोमेस तामाङले अब रक्तदान कार्यक्रमलाई समय–समयमा गर्ने योजना बनाइएको बताए ।
आज भएको रक्तदान कार्यक्रमको प्राविधिक सहयोग भने टीयु लायन्स ब्लड ट्रान्सफरमेशन एण्ड रिसर्च सेन्टरले गरेका थिए ।
प्रतिक्रिया दिनुहोस्