सबैका लागि खुशीको खबर१ हामी सबैले जेफ्री एप्स्टाइनको बारेमा सोच्न छोड्न सक्छौं, जसलाई २०१९ मा नाबालिगहरूको यौन तस्करीको आरोप लगाइएको थियो र त्यसको केही समयपछि म्यानहट्टनको जेलको सेलमा आत्महत्या गरेर मरेको जस्तो देखिएको रुपमा फेल परेका थिए । महान दिमागहरूले यो मामिलालाई जाँचेका छन् र पत्ता लगाएका छन् कि यहाँ खोज्नुपर्ने कुनै कुरा बाँकी छैन। त्यसैले, एप्स्टाइनको कथित तस्करी सञ्जालमा कुन शक्तिशाली व्यक्तिहरू संलग्न थिए भनेर सोचेर आफ्नो समय बर्बाद नगरौं। यहाँ हेर्न लायक कुनै कुरा छैन—पूर्ण रूपमा कुनै कुरा छैन। मामिला आधिकारिक रूपमा बन्द भएको छ।

यो संक्षेप जानकारी, ट्रम्प प्रशासनले सप्ताहान्तमा दिएको सन्देश थियो। आइतबार, एक्सियोसले ट्रम्पको न्याय विभाग र एफबीआईबाट आएको एक मेमोको बारेमा रिपोर्ट प्रकाशित गर्दै भनेको थियो एप्स्टाइनले मानिसहरूलाई ब्ल्याकमेल गरेको, “क्लाइन्ट लिस्ट” राखेको वा उनको हत्या भएको कुनै प्रमाण छैन। सबैभन्दा महत्वपूर्ण कुरा, मेमोले उल्लेख गरेअनुसार “आरोप नलागेका तेस्रो पक्षहरूविरुद्ध अनुसन्धानको आधार हुन सक्ने कुनै प्रमाण छैन।”

यो ठूलो कुरा हो किनभने ट्रम्प र उनका अनुयायीहरूले धेरै समय र ऊर्जा खर्चेर आफ्ना समर्थकहरूको अगाडि एप्स्टाइन–सम्बन्धित षड्यन्त्रको चारा झुण्ड्याएका छन्, निरन्तर संकेत यस्तो संकेत गर्दै कि तिनीहरू एप्स्टाइनको अभिजात शिकारीहरूको सञ्जालको बारेमा आश्चार्यजनक सत्य प्रकट गर्न लागेका छन्। फेब्रुअरीमा फक्स न्यूजमा देखा पर्दा, जब एप्स्टाइनको क्लाइन्ट लिस्ट (जुन नयाँ मेमोले अस्तित्वमा नभएको भन्छ) को बारेमा सोधिएको थियो, अमेरिकी महान्यायाधिवक्ता पाम बन्डीले भनेकी थिइन्ः“यो अहिले मेरो डेस्कमा समीक्षाको लागि राखिएको छ।” त्यस अन्तर्वार्तापछि, एक ठूलो हंगामा भयो जहाँ एप्स्टाइन–प्रति जुनूनी मागा प्रभावकारीहरूलाई ह्वाइट हाउसमा निम्त्याइयो र उनीहरूलाई एप्स्टाइन फाइल्स शीर्षकको बाइन्डरहरू दिइयो, जसमा बन्डीले “तपाईंलाई बिरामी बनाउने” जानकारी छ भन्ने प्रतिवद्धता देखाएकी थिइन् । चक्मा दिने कुरा, ती बाइन्डरहरूमा कुनै नयाँ वा उल्लेखनीय कुरा थिएन र मागा तहल्का मच्चायो।

अब, दोस्रो एप्स्टाइन–प्रेरित तहल्का पूर्ण रूपमा चलिरहेको छ। इलन मस्क, जो ट्रम्पसँग सार्वजनिक रूपमा फेरि लडाइँ गरिरहेका छन् र नयाँ राजनीतिक पार्टी शुरू गर्ने धम्की दिएका छन्, उनले न्याय विभागको एप्स्टाइन यू–टर्नको बारेमा आक्रमण गरिरहेका छन्। सोमबार, मस्क, जसले पहिले ट्रम्पलाई एप्स्टाइन फाइल्समा भएको आरोप लगाएका थिए, उनले सारा फील्ड्स नामक एक महिलाको पोस्टलाई रिट्वीट गरे उनले भनेकी छन्ः “यदि सम्पूर्ण सरकारले बाल यौन शोषणकर्ताहरूलाई संरक्षण गरिरहेको छ भने, यो आधिकारिक रूपमा सरकार जनताविरुद्ध गएको छ।” ट्रम्प प्रशासनले “जनता” को लागि काम गर्दैन भन्ने कुरा बुझ्नमा ढिलो भयो—तर हे, प्रतिरोधमा स्वागत छ, इलन१

रूढिवादी कार्यकर्ता रोबी स्टारबक पनि रिसले आगो भएका छन्। “पाम बन्डीले केही महिना अघि मात्र एप्स्टाइनको क्लाइन्ट लिस्ट उनको डेस्कमा सार्वजनिक गर्न समीक्षाको लागि छ भनिन्,” स्टारबकले ट्वीट गरेका छन् । “अब उनले नेतृत्व गरेको डीओजेले त्यहाँ कुनै एप्स्टाइन क्लाइन्ट लिस्ट नभएको दावी गर्छ। माफ गर्नुहोस्, तर यो अस्वीकार्य छ ।।। हामीलाई जवाफ चाहिन्छ।”

मागा भीडले आफूले सत्तामा पुर्‍याएका मानिसहरू वास्तवमा कस्ता छन् भन्ने बुझेको बेला सधैं रमाइलो हुन्छ। तर यो विषयमा रूढिवादी आवाजहरू किन सबैभन्दा चर्का छन्ः स्टारबक ठीक छन् कि वर्तमान अवस्था अस्वीकार्य छः सबैले एप्स्टाइनको बारेमा थप जवाफहरू माग्नुपर्छ। सबैले यो कुरामा आक्रोशित हुनै पर्छ कि घिस्लेन म्याक्सवेल मात्र एक व्यक्ति हुन् जसले वास्तवमा, जुन एक विशाल तस्करी सञ्जाल थियो, त्यसमा न्यायको सामना गर्नुपरेको छ। केही मानिसहरूले अन्य तरिकाले मूल्य चुकाएका छन्—२०२३ मा डोइचे बैंकले एप्स्टाइनको सञ्जाललाई सहज बनाउन मद्दत गरेको आरोप लगाउने महिलाहरूको समूहले ल्याएको मुद्दा सुल्झाउन ७५ मिलियन डलर) तिर्न सहमत भयो—तर म्याक्सवेल मात्र जेल सजाय पाउने व्यक्ति हुन्।

यो भन्नुपर्छ, त्यहाँ धेरै हास्यास्पद एप्स्टाइन–सम्बन्धित षड्यन्त्र सिद्धान्तहरू चलिरहेका छन्। तीनमा प्रष्ट भन्दा मनोरञ्जन गर्नु हुँदैन। तर म तपाईंलाई के भन्छु त्यो षड्यन्त्र होइनः यो तथ्य हो कि त्यहाँ धेरै उच्च– हैसियतका मानिसहरू छन् जो बदनाम वित्तीयकसँग आफ्नो सम्बन्धलाई ढाकछोप गर्नमा धेरै चासो राख्छन्। यो षड्यन्त्र होइन कि अमेरिकामा एक दोहोरो न्याय प्रणाली छ जहाँ धनी र शक्तिशाली मानिसहरूले भयानक कुराहरू गर्न सक्छन् र कुनै परिणामको सामना गर्नु पर्दैन।

यस वर्षको शुरूमा, एप्स्टाइनका सबैभन्दा प्रमुख पीडितहरू मध्ये एक, भर्जिनिया गिउफ्रे, उनको आत्महत्याबाट मृत्यु भयो । उनी तेस्रो एप्स्टाइन अभियुक्त हुन् जसको आत्महत्या वा ड्रग ओभरडोजबाट मृत्यु भएको रिपोर्ट गरिएको छ। एप्स्टाइनले अनगिन्ती जीवनहरू नष्ट गरेका छन् । र उनले यो एक्लै गरेनन्ः उनलाई “प्रतिष्ठित” मानिसहरूले सक्रिय रूपमा उनको अपराधहरूलाई सहज बनाइदिए। र, अधिक व्यापक रूपमा, उनलाई ती मानिसहरूले सहयोग गरे जसले अन्यत्र हेरे, जसले उनको प्रतिष्ठालाई सेतो बनाउन मद्दत गरे, जसले उच्च समाजमा उनको साथमा रमाइलो गरे। ती मानिसहरू अझै त्यहाँ छन्, आफ्नो उत्कृष्ट जीवन जिउँदै। र यसमा झन् धेरै सम्भावना देखिन्छ कि तिनलाई कहिल्यै जवाफदेही बनाइने छैन।

द गार्जियन बाट