काठमाडौ ४ असार । पहिरोका कारण अस्ति सोमवारदेखि अवरुद्ध कालीगण्डकी करिडोरअन्तर्गत गुल्मी खण्डको सडक एकतर्फी सञ्चालनमा आएको छ ।
सडकको पहिरो आशिंकरुपमा हटाएपछि हिजो बेलुकादेखि सडक एकतर्फी सञ्चालनमा आएको जिल्ला प्रहरी कार्यालय गुल्मीका प्रहरी उपरिक्षक नारायणप्रसाद अधिकारीले जानकारी दिनुभएको छ ।
कालीगण्डकी गाउँपालिका–६ को बरल्बामा अस्ति दिउँसो सडक माथिबाट ढुङ्गासहितको सुक्खा पहिरो खसेपछि सडक पुर्णरूपमा अवरुद्ध थियो ।
सडक निर्माण कम्पनी कालीका कन्ट्रक्सनले डोजर र उपकरण प्रयोगगरी सडक छेउको पहिरो पन्छाएपछि एकतर्फी रुपमा सडक सञ्चालन गरिएको कालीगण्डकी गाउँपालिका अध्यक्ष बेदबहादुर थापाले बताउनुभयो ।
प्रतिक्रिया दिनुहोस्