काठमाडौं १७ चैत । इण्डियन प्रिमियर लिग ९आईपीएल० मा गुजरात टाइटन्सले पहिलो जित निकालेको दिन मुम्बई इण्डियन्सले भने लगातार दोस्रो हार व्यहोरेको छ।

शनिबार राति भएको खेलमा मुम्बईलाई ३६ रनले पराजित गर्दै गुजरातले आईपीएलमा पहिलो जित हात पारेको हो।

गुजरातले दिएको १ सय ९६ रनको लक्ष्य पछ्याएको मुम्बईले निर्धारित २० ओभरमा ६ विकेटको क्षतिमा १ सय ६० रन मात्र बनाउन सक्यो।

मुम्बईका लागि सूर्य कुमार यादवले बनाएको ४८ रन नै सर्वाधिक रह्यो। तिलक बर्माले ३९ रन थपे। नमन धिर र मिचेत सान्टनर समान १८ रनमा अविजित रहे।

कप्तान हार्दिक पाण्ड्याले ११ रन थपे। हन्यले दोहोरो अंकको स्कोर छुन सकेनन्। गुजरातका लागि मोहम्मद सिराज र प्रसिद कृष्णाले समान २ विकेट लिए। कागिसो रवाडा र साइ किशोरले समान एक विकेट आफ्नो नाममा गरे।

त्यसअघि अहमावादस्थित नरेन्द्र मोदी स्टेडियममा मुम्बइले टस जितेर फिल्डिङ रोजेपछि ब्याटिङ गरेको गुजरातले २० ओभरमा ८ विकेटको क्षतिमा १ सय ९६ रनको योगफल तयार पारेको थियो।

गुजरातका लागि ओपनर साइ सुदर्शनले सर्वाधिक ६३ रनको योगदान दिए। ४१ बलमा ४ चौका र २ छक्का प्रहार गरेका उनी ट्रेण्ड बोल्टको बलमा एलबीडब्लु धरापमा परे। जस बटलरले ३९ र कप्तान शुभमन गिलले ३८ रन थपे। मुम्बइका हार्दिक पाण्ड्याले २ विकेट लिए।

पहिलो जितसँगै गुजरात अकं तालिकाको तेस्रो स्थानमा उक्लेको छ। एक खेलमा जित र एक खेलमा हार भोगेको गुजरात २ अंकमा तेस्रो स्थानमा छ।

लगातार दोस्रो हार भोगेको मुम्बइ नवौँ स्थानमा छ।