मैले राष्ट्रिय गुप्तचर निर्देशकको रूपमा हाम्रो देशको सेवा गर्नको लागि राष्ट्रपति डोनाल्ड जे. ट्रम्पको विश्वास र आत्मविश्वासको लागि सम्मानित र आभारी छु। म विशेषगरी यो भूमिकाको लागि छनोट हुनुमा गौरवान्दित छु, जुन समयमा गुप्तचर समुदायमा विश्वास अत्यन्त न्यून छ र बाइडेन प्रशासनका राष्ट्रिय सुरक्षा असफलताका कारण विश्व पहिले भन्दा अझ खतरनाक छ ।
तर यो केवल राष्ट्रपति बाइडेनबाट सुरु भएको थिएन। लामो समयदेखि, दोषपूर्ण, अपर्याप्त र हतियार बनाइएको गुप्तचन्त्रले महंगो असफलताहरू जन्माएको छ, जसले हाम्रो राष्ट्रिय सुरक्षा र संवैधानिक स्वतन्त्रता कमजोर बनाएको छ।
सबैभन्दा प्रकट उदाहरण इराकको आक्रमण हो, जुन गुप्ततन्त्रको असफलतामा आधारित थियो। यो विनाशकारी निर्णयले हजारौं अमेरिकी सैनिकहरूको मृत्यु र मध्यपूर्वका अनगिन्ती मानिसहरूको ज्यान लिएको छ। यसले ठूलो आप्रवासन र क्षेत्रीय अस्थिरता निम्त्यायो, र यसले हाम्रा युरोपेली सहयोगीहरूको सुरक्षा र स्थिरता कमजोर बनायो। र यसले आइएसआइएस जन्मायो, अल–कायदा र अन्य इस्लामिक जिहादी समूहहरूको सुदृढीकरण र इरानको उत्साहवर्धन गर्ने काम गर्यो ।

दुर्भाग्यवश, अझ धेरै समस्या छन्। राष्ट्रपति ट्रम्प पुनः निर्वाचित हुनु भनेको अमेरिकी जनताबाट यो असफलताको चक्र तोड्ने, गुप्तचर समुदायको सशस्त्रीकरण राजनीति अस्वीकार गर्ने र हाम्रो देशको सुरक्षा गर्ने जिम्मेवारीमा रहेका व्यक्तिहरूमा विश्वास पुनः स्थापनाको स्पष्ट म्यान्डेट हो।
यदि डिएनआइ को रूपमा अनुमोदन भएमा, म यस म्यान्डेटलाई पूरा गर्न र गुप्तचर समुदायमा नेतृत्व ल्याउन मेरो सबैभन्दा उत्तम प्रयास हुनेछ, हाम्रो महत्वपूर्ण मिशनमा लेजर जस्तो ध्यान केंद्रित गर्दै। त्यो मिशन स्पष्ट छः अमेरिकी जनताको सुरक्षा, सुरक्षा र स्वतन्त्रता सुनिश्चित गर्नु हो।

राष्ट्रपतिका प्रमुख गुप्तचर सल्लाहकारको रूपमा, म उदाहरणका साथ नेतृत्व गर्नेछु, मेरा आफ्ना विचारहरू गेटमा चेक गर्नेछु र गुप्ततन्त्रको सङ्ग्रह, विश्लेषण र रिपोर्टिंगमा पक्षपाती, पूर्वाग्रह वा राजनीतिक प्रभाव बिना काम गर्ने प्रतिबद्धता जनाउनेछु।

मेरो समय दुवै क्षेत्रमा र सैन्यमा बिताउँदा, मैले विश्व नेतासँग वार्ता गरेकी छु र उच्च स्तरको गुप्तचरीमा पहुँच पाएकी छु। म पहिलो नजरमा नै जान्दछु कि सही, बिना पक्षपाती र समयमा गुप्ततन्त्र कति महत्वपूर्ण छ, राष्ट्रपतिका लागि, कांग्रेसका लागि, हाम्रा युद्धमा खटिएका सेनाका लागि, र गुप्तचर असफलताहरू र दुरुपयोगहरूको भारी लागतको समेत ।

मसँग चारवटा आधारभूत प्राथमिकताहरू हुनेछन्ः
पहिलो, वैश्विक धम्की वातावरणको मूल्याङ्कन गर्ने र गुप्ततन्त्रका कुन कुन ठाउँहरूमा अन्तरालहरू छन् पहिचान गर्ने, गुप्तचर तत्वहरू एकीकृत गर्ने, सूचना साझा गर्ने प्रक्रिया वृद्धि गर्ने, र राष्ट्रपति ट्रम्प र नीति निर्माताहरूको निर्णय लिने प्रक्रियालाई समर्थन गर्ने उद्देश्यले बिना पक्षपाती, राजनीतिक प्रभावबिहीन, वस्तुनिष्ठ सङ्ग्रह र विश्लेषण सुनिश्चित गर्ने।

दोस्रो, मैले राष्ट्रपति ट्रम्पको प्रतिबद्धतालाई अमेरिकी जनतामा पुरा गर्नेछु कि गुप्तचर समुदायको राजनीतिलाई समाप्त गर्नेछु र गुप्तचर समुदायको प्रमुख मिशन, जुन हाम्रो राष्ट्रको सुरक्षा गर्नु हो, त्यसमा ध्यान केन्द्रित गर्नेछु।

तेस्रो, मैले पारदर्शिता र जवाफदेहितासँग गुप्तचर समुदायमा विश्वास पुनःनिर्माण गर्नेछु।

अन्ततः, मैले ओडीएनआई भित्र दक्षता, पुनरावृत्ति र प्रभावकारिता मूल्याङ्कन गर्नेछु र सम्बोधन गर्नेछु।
मेरो अनुमोदन सुनुवाइको दौरान, गत हप्ता धेरै प्रश्नहरू थिए, विशेष रूपमा एड्वर्ड स्नोडेनको बारेमा, जसले २०१३ मा अत्यधिक संवेदनशील वर्गीकृत जानकारी मिडियामा सार्वजनिक गरेर कानून तोडेका थिए, जसमा हाम्रो राष्ट्रिय सुरक्षा संकटमा पार्ने जानकारी र लाखौं अमेरिकनहरूको डेटा माथि गैरकानुनी र असंवैधानिक सरकारी कार्यक्रमहरूको खुलासा भएको थियो, जसले व्यापक निगरानी सञ्चालन गरेको थियो।

स्नोडेनलाई “देशद्रोही“ भनेर सम्बोधन गर्नु पर्छ कि पर्दैन भन्ने विषयमा समिति सदस्यहरूको चासोलाई मध्यनजर गर्दै, मैले सिनेट गुप्तचर समितिलाई बन्द सत्रमा जे कुरा भनेकी थिएँ, त्यो के होः देशद्रोह एक प्राण दण्डदायी अपराध हो, जुन मृत्युदण्डद्वारा सजाय योग्य छ, यद्यपि पूर्व विदेशमन्त्री हिलरी क्लिन्टन र पूर्व अमेरिकी सिनेटर मिट रोम्नीले मलाई, डोनाल्ड ट्रम्प जूनियर र अरूसँग आधारहीन आरोपहरू लगाएका छन्। यो महत्वपूर्ण छ कि हामी तथ्यहरूमा ध्यान केन्द्रित गरौं, न कि त्यहाँको लेबलमा । स्नोडेनले गैरकानुनी निगरानीका बारेमा आफ्ना चासोहरू अधिकृत च्यानल मार्फत उठाउनु पथ्र्यो, जस्तै निरीक्षक जनरल वा गुप्तचर समितिको माध्यमबाट, मिडियामा गुप्तचर जानकारी लीक गर्नुको सट्टा।

यदि मलाई राष्ट्रिय गुप्तचर निर्देशकको रूपमा अनुमोदन गरिएमा, म गुप्तचर समुदायका सबै सदस्यहरूलाई फेरि दोहोर्याउँछु कि म तिनीहरूलाई कुनै पनि चासोको लागि अधिकृत च्यानलहरूको प्रयोग गर्न अपेक्षा गर्छु। जो मानिसहरू कानूनी रूपमा संरक्षित ह्विसलब्लोअर च्यानलहरू बाहिर जान्छन् र संवेदनशील वर्गीकृत जानकारीलाई गैरकानुनी रूपमा लीक गर्छन्, तिनीहरूलाई कानूनी रूपमा पुरा दण्ड दिइनेछ।

भविष्यमा स्नोडेनजस्ता लीकलाई रोक्नका लागि मेरो चार–बुँदे योजना यस प्रकार छः

१. गैरकानुनी वा असंवैधानिक गुप्तचर सङ्ग्रह कार्यक्रमहरूको सुनिश्चित गर्न उचित निगरानी।
२. सुरक्षा प्रमाणपत्र र वर्गीकरण सुधार मार्फत अत्यधिक संवेदनशील गुप्तचरको पहुँच घटाउने, जसलाई दुवै पार्टीले समर्थन गरेका छन् ।
३. सबै कामकाजी व्यक्तिहरूसँग ह्विसलब्लोअर का सबै कानूनी विकल्पहरूको जानकारी दिने, जसमा निरीक्षक जनरल, ओम्बुड्सम्यान र सिनेट गुप्तचर समिति समावेश छन्।
४. ह्विसलब्लोअरहरूसँग सिधा सम्पर्कको लागि मेरो प्रत्यक्ष हटलाइन स्थापना गर्ने।

अमेरिकन जनताको सुरक्षा, स्वतन्त्रता र सुरक्षा सुनिश्चित गर्नु नेतृत्वको एक यस्तो आदेश हो जुन पार्टीगत राजनीति भन्दा माथि उठेर हेर्नुपर्छ। यदि मलाई अनुमोदन गरिन्छ भने, मेरो प्रतिबद्धता राष्ट्रपति ट्रम्प, कांग्रेस र अमेरिकन जनताको प्रति यस्तो हुनेछः म सत्य पत्ता लगाउन मेरो पुरा प्रयास गर्नेछु, जहाँसम्म त्यो जान्छ, र त्यो सत्य राष्ट्रपति ट्रम्प, उनका सल्लाहकार र कांग्रेससँग साझा गर्नेछु। म प्रतिज्ञा गर्दछु कि निर्णय लिने व्यक्तिहरूलाई हाम्रो देशको जनताको सुरक्षा गर्नका लागि निष्पक्ष, समयमै र सही गुप्तचर जानकारी प्रदान गर्नेछु।

राष्ट्रपति ट्रम्पले मलाई गुप्तचर समुदायको नेतृत्व गर्न सिफारिस गर्दा मैले विश्वास गरेको कुरामा म सम्मानित छु। म यस कार्यको लागि उपयुक्त व्यक्ति हुँ ।

–तुल्सी गाबार्ड अमेरिकी सेना रिजर्भमा लेफ्टिनेन्ट कर्नल हुन् र २०१३ देखि २०२१ सम्म हवाईको २ नं. कंग्रेसनल डिस्ट्रिक्टका अमेरिकी प्रतिनिधि रूपमा सेवा गरिसकेकी छन्। उनी राष्ट्रपति ट्रम्पले उनलाई राष्ट्रिय गुप्तचर निर्देशकको रूपमा सेवा गर्नका लागि छनोट गरेका छन् ।
यस लेखमा व्यक्त गरिएका विचार लेखकका निजी हुन्।
(न्यूजविक म्यागजिन, फेब्रुवरी ३, २०२५ बाट भावानुवाद । )