काठमाडौं ७ माघ । खो खो विश्वकपमा उपविजेता बनेका नेपालका दुवै टोली स्वदेश फर्किएका छन्। पहिलो विश्वकपमै नेपालका महिला र पुरुष टोलीनै फाइनलमा पुगेका थिए।
आइतबार बेलुका दुवै टोली उपाधिभिडन्तमा भारतसँग पराजित हुँदै उपविजेता बनेका थिए।
सोमबार अपरान्ह दुवै टोलीलाई त्रिभुवन अन्तर्राष्ट्रिय विमानस्थलमा राष्ट्रिय खेलकुद परिषद्का सदस्य सचिव टंकलाल घिसिङ लगायतले स्वागत गरेका छन्।
घिसिङले पहिलो विश्वकपमै नेपाली टोलीले गरेको प्रदर्शनको उच्च प्रशंसा गरे।
आइतबार साँझ भारतको इन्दिरा गान्धी इन्डोर कोर्टमा भएको फाइनलमा नेपालको पुरुष टोली भारतसँग ५४–३६ ले पराजित भएको हो।
भारतसँगै फाइनलमा नेपाली महिला टोली ७८–४० अन्तरले पराजित भएको थियो।
प्रतिक्रिया दिनुहोस्