काठमाडौं २२ पुस । गोर्खा मिडिया प्रालिका सञ्चालक छविलाल जोशीले अध्यक्ष गितेन्द्रबाबु ९जीबी० राई र प्रबन्ध निर्देशक रवि लामिछानेले कम्पनीका कागजात किर्ते गरेको आरोप लगाएका छन् ।

स्वर्णलक्ष्मी सहकारीमा भएको अपचलनको अनुसन्धानका क्रममा बयान दिँदै उनले आफू अमेरिका पुगेका बेलामा कम्पनीका अध्यक्ष राई र प्रबन्ध निर्देशक लामिछानेले आफ्नो हस्ताक्षर किर्ते गरेको दाबी गरेका हुन् ।

उनको बयानअनुसार, गोर्खा मिडियाको पूँजी ५ करोडबाट १२ करोड पुर्‍याउने क्रममा गोर्खा मिडियाका सञ्चालकूरुले नेपाल बैंकबाट ऋण लिन खोजेका थिए । नेपाल बैंकको न्यूरोडस्थित शाखाबाट ऋण दिन सञ्चालकहरू जोशी र लामिछानेका साथै राई समेत आवश्यक पर्ने भएपछि प्रक्रिया हटेको थियो ।

त्यसक्रममा आफ्नो शंखमूलको घर धितो राख्ने कुरा भएको तर आफूले असहमति जनाएको छविलालको दाबी छ । उनले आफूहरूको कुराकानी भन्दै बयानमा भनेका छन्, ‘जीबी राई र रवि लामिछानेले घर धितो नराखे पनि पूँजी बढाउने कामको प्रक्रिया अघि बढिसकेको हुनाले असहयोग नगरिदिनुहोस्, हालसम्म तपाईंको कुनै लगानी भएको छैन र पूँजी बढाउँदा पनि तपाईंको एक पैसा लगानी हुने छैन भनि अनुरोध गरेको ।’

उनले बयानमा सहकारीबाट गोरखा मिडियामा रकम ल्याउने क्रममा जीबी राई र रवि लामिछाने संलग्न हुन सक्ने बताएका छन् ।

आफू असहमत भएपछि कम्पनीमा आफ्नो नाममा भएको सेयर जीबी राईको नाममा सार्न सहमति जनाएको भन्दै उनले ३ कात्तिक २०७७ मा आफू अमेरिका गएको बताएका छन् । अमेरिकाबाट फर्केपछि जीबी राईले आफूलाई केही माइन्युट देखाएर छुटेको हस्ताक्षर गर्न लगाएको र त्यसक्रममा किर्ते सही भएको थाह पाएको उनको दाबी छ ।

बयानमा उनले भनेका छन्, ‘निर्णय माइन्युट लगायतका कागजातहरूमा मेरो किर्ते हस्ताक्षर गरी कम्पनीको प्रबन्ध पत्र संशोधन गर्ने र कम्पनीको उद्देश्यमा थप गर्ने निर्णय गरेको थाहापाइ निजहरूको गलत नियत बुझी मैले निजहरूसँग सहकार्य गर्न छाडेको हुँ ।’