काठमाडौं २२ पुस । युक्रेनले रुसको कुर्स्क क्षेत्रमा नयाँ आक्रमण गरेको छ । रुसी रक्षा मन्त्रालयले कुर्स्क क्षेत्रमा आक्रमण भएको भन्दै युक्रेनी आक्रमणकारी समूहहरूलाई रोक्न प्रयास भइरहेको बताएको छ ।

युक्रेनी अधिकारीहरूले पनि एक अपरेसन सञ्चालन भइरहेको बताएका समाचार संस्था एएफपीले जनाएको छ । युक्रेनले गएको वर्ष अगस्टमा रुसको कुर्स्क क्षेत्रमा पहिलो पटक आक्रमण गरी ठूलो क्षेत्र कब्जा गरेको थियो ।

पछिल्ला महिनाहरूमा रुसी सेनाले यी क्षेत्रहरूमा ठूलो प्रगति गर्दै युक्रेनलाई पछाडि धकेल्न सफल भएको बताएको छ । तर, युक्रेनी सेनालाई पूर्ण रूपमा निष्कासन गर्न भने अझै सकेको छैन ।

कुर्स्क क्षेत्रमा युक्रेनको पछिल्लो आक्रमण रोक्न रुसी सेनाको प्रयासको जवाफमा फेरि आक्रमण भएको रुसी रक्षा मन्त्रालयले निकालेको विज्ञप्तिमा उल्लेख छ । युक्रेनले कुर्स्क क्षेत्र कब्जाको प्रयासमा आक्रमण गरेको बुझिएको छ ।

युक्रेनको राष्ट्रपति कार्यालयका प्रमुख एन्ड्री येर्माकले कुर्स्क क्षेत्र नियन्त्रणका लागि युक्रेन जीत नजिक पुगेको बताउनुभएको खबरमा उल्लेख छ ।