काठमाडौं १४ पुस । गमती प्रदेशका सत्ता साझेदार दुई दल नेपाली कांग्रेस र नेकपा एमालेले भागबन्डा गरेर मन्त्रीका श्रीमानदेखि गाउँका कार्यकर्तासम्मलाई राजनीतिक नियुक्ति दिलाएका छन् ।

नियुक्तिको सूचीमा कांग्रेस नेता एवम् सामाजिक विकासमन्त्री हरिप्रभा खड्गीका श्रीमान् समेत छन् । मन्त्री खड्गीका श्रीमान् प्रकाश टोखा चण्डेश्वरी अस्पताल काठमाडौंको अध्यक्ष नियुक्त भएका छन् ।

बागमती प्रदेशका १२ अस्पतालहरुमध्ये कांग्रेस(एमालेले ६–६ वटा भागबन्डा गरेका छन् । प्रदेशका स्वास्थ्य मन्त्रालयले नयाँ स्वास्थ्य सेवा ऐन, २०७५ पहिलो संशोधन जारी भएपछि मंसिर २७ गते तथा पुस ८ र ९ गते ११ वटा अस्पतालको अध्यक्षमा नियुक्त गरिसकेको छ ।

कांग्रेसले काठमाडौं, भक्तपुर, सिन्धुली, नुवाकोट, रसुवा, सिन्धुपाल्चोक तथा एमालेले चितवन, धादिङ, काभ्रे, रामेछाप, दोलखा र ललितपुर लिने गरी सहमति गरेका छन् ।

सो सहमति अनुसार काठमाडौंको टोखा चण्डेश्वरी अस्पतालमा प्रकाश खड्गी, भक्तपुर अस्पतालमा प्रदेशका पूर्वसांसद शशीजंग थापा, नुवाकोटको त्रिशूली अस्पतालमा उपेन्द्र बुढाथोकी नियुक्त भएका छन् ।

नुवाकोटकै आयुर्वेद तथा वैकल्पिक चिकित्सालयको अध्यक्षमा शिवकुमार चित्रकार नियुक्त भएका छन् । यसैगरी रसुवा अस्पतालमा विवश श्रेष्ठ र सिन्धुपाल्चोकको चौतारा अस्पतालमा केशवराज गिरी नियुक्त भएका छन् ।

सिन्धुलीमा भने कांग्रेसबाट सिफारिस आउन बाँकी भएको भन्दै नियुक्त गर्न बाँकी छ ।

यसैगरी एमालेको भागमा परेका चितवनको बकुलहर रत्ननगर अस्पतालमा गोपाल कर्माचार्य, धादिङ अस्पतालमा राधिका सापकोटा र काभ्रेको मेथिनकोट अस्पतालमा विष्णुप्रसाद खनाल नियुक्त भएका छन् ।

यसैगरी रामेछाप अस्पतालमा यमकुमार पाख्रिन, दोलखाको पशुपति चौलागाई स्मृति अस्पतालमा सुवास रिमाल र ललितपुरको बज्रबाराही चापागाउँ अस्पतालमा रामहरि घिमिरे नियुक्त भएका छन् ।

११ पुसमा बसेको प्रदेशको मन्त्रिपरिषद् बैठकले प्रदेश प्राविधिक तथा व्यवसायिक शिक्षा एवं तालिम परिषद् ९सीटीईभिटी०को प्रमुख कार्यकारी निर्देशकमा शान्ति लामालाई नियुक्त गरेको थियो । उनी मुख्यमन्त्री लामाको जोडबलमा नियुक्त भएको स्रोतको दाबी छ ।

सामाजिक विकास मन्त्रालयका सचिव बद्रीनाथ गैह्रे संयोजकत्वको सिफारिस समितिले सीटीईभीटीको निर्देशक नियुक्तिका लागि नुवाकोटकी लामा, मध्यपुरठिमी नगरपालिकाका बद्रीप्रसाद दहाल र चितवन भरतपुरका ईश्वरचन्द्र पौड्यालको नाम सिफारिस गरेको थियो । मन्त्री खड्गीले दाहालको पक्ष लिए पनि मुख्यमन्त्री लामाको जिल्लाकी शान्ति लामा नियुक्त भइन् ।

यसअघि मुख्यमन्त्री लामाकै जोडबलमा प्रदेश खेलकुद विकास परिषद्मा पनि नुवाकोटकै दीपक लामा नियुक्त भएका थिए ।