काठमाडौं २३ असोज । नेकपा माओवादी केन्द्रका अध्यक्ष एवं पूर्वप्रधानमन्त्री पुष्पकमल दाहाल प्रचण्डले राजतन्त्र फर्किने सम्भावनै नरहेको दाबी गरेका छन्।
पूर्वराजाले भुटान भ्रमण गर्नु आन्तरिक राजनीतिक संकटको अभिव्यक्ति भए पनि राजतन्त्र फर्किन सम्भव नभएको जिकिर गरे।
बुधबार बिहान सम्पादकहरूसँगको अन्तरक्रियामा प्रचण्डले भने, ‘मलाई कहीँ कतै फेरि राजा आउनेचाहिँ लाग्दैन। कतैबाट हेर्दा पनि त्यो सम्भव छैन।’
उनले थपे, ‘इतिहासको विकासको दृष्टिकोणलेले पनि हामी राजतन्त्रबाट गणतन्त्रमा गइसकेका छौँ। गणतन्त्रमा गइसकेका जनता सजिलै फेरि राजतन्त्रतिर फर्किने भन्ने अपवादबाहेक हुँदैन। पूर्वराजा र उनको परिवारका कारणले पनि सम्भव छैन।’
प्रतिक्रिया दिनुहोस्