काठमाडौं १८ भदौ । नेपाल कम्युनिष्ट पार्टी ९एमाले० का प्रदेश अध्यक्षको पोलिटब्यूरोबाट घटुवा गर्ने निर्णय कार्यान्वयन हुने भएको छ। ललितपुरको च्यासलस्थित एमाले केन्द्रीय कार्यालयमा मंगलबार दिउँसो १ बजेदेखि पोलिटब्यूरो बैठक बस्दै छ।

एमाले प्रचार विभाग प्रमुख राजेन्द्र गौतमले यसअघि गरेको निर्णय अनुसार प्रदेश अध्यक्षहरुलाई आजको पोलिटब्युरो बैठकमा नबोलाइएको जानकारी नेपालखबरलाई दिए।

एमालेले यसअघि प्रदेश अध्यक्षलाई पोलिटब्यूरो सदस्य सरहको मान्यता दिएको भए पनि त्यसको विरोध भएपछि प्रदेश अध्यक्षको हैसियत घटुवा गर्दै केन्द्रीय सदस्य मात्रै हुने निर्णय गरेको थियो। त्यसबारे २०८० मै एमालेले सर्कुलर जारी गरेको भए पनि ढिलागरी उक्त निर्णय कार्यन्वयन भएको हो।

पोलिटब्यूरो बैठकमा यही भदौ १३ गतेको सचिवालय बैठकमा प्रस्तुत गरिएको पार्टीको वार्षिक कार्ययोजनाको मस्यौदालाई सुझावसहित अन्तिम रुप दिइने छ। बैठक आज र भोलि दुई दिन बस्ने जनाइएको छ । एमालेमा ९५ जनाको पोलिटब्यूरो रहेको छ।