काठमाडौं २३ साउन। नोबेल पुरस्कार विजेता प्रोफेसर मुहम्मद युनुस बङ्गलादेशको अन्तरिम सरकारको मुख्य सल्लाहकारका रूपमा सरकारको नेतृत्व गर्न सहमत भएका छन्।यसअघि बंगलादेशी राष्ट्रपतिसँग भेट गरिरहेका आन्दोलनका प्रमुख संयोजकहरू मध्ये एक नाहिद इस्लामले नोबेल पुरस्कार विजेता मोहम्मद युनुसलाई अन्तरिम सरकारको प्रमुखका रूपमा प्रस्ताव गरेका थिए ।
नोबेल पुरस्कार विजेता प्रोफेसर मुहम्मद युनुस बङ्गलादेशको अन्तरिम सरकारको मुख्य सल्लाहकारका रूपमा नेतृत्व गर्न सहमत भएका छन्, बङ्गलादेशको प्रमुख अखबार द डेली स्टारले लेखेको छ। यसअघि अगस्ट ६ मा, बङ्गलादेशको विद्यार्थी आन्दोलनका एक प्रमुख नेताले प्रधानमन्त्री शेख हसिनाले राजीनामा दिएको एक दिन नै अन्तरिम सरकारको प्रमुखका रूपमा युनुसलाई आफ्नो छनोट गर्नु पर्ने प्रस्ताव गरेका थिए ।
बङ्गलादेशका सेना प्रमुखले मङ्गलबार विद्यार्थी प्रदर्शनकारी नेताहरूलाई भेट्ने बताएका छन् । ‘हामीले सिफारिस गरेको सरकारबाहेक अन्य कुनै पनि सरकारलाई स्वीकार गरिने छैन’, विद्यार्थी आन्दोलनको प्रमुख नेता नाहिद इस्लामले अन्य तीनवटा संगठनका अगुवाहरूसँग फेसबुकको एक भिडियो सम्वादमा भने ‘हामी कुनै पनि सेना समर्थित वा सेनाको नेतृत्वमा रहेको सरकारलाई स्वीकार गर्दैनौँ।’युनुस शेख हसिना सरकारको छ महिने जेलयातनापछि फ्रान्समा बस्दै आएका छन् । उनी केही दिनमा बंगलादेश फर्कने बताइएको छ ।
प्रधानमन्त्री शेख हसिना सत्ताबाट हट्न बाध्य भएको एक दिनपछि बङ्गलादेशको संसद विघटन भएको छ।प्रदर्शनकारीहरूको प्रमुख माग रहेको संसद विघटनले अन्तरिम सरकार स्थापना गर्ने मार्ग प्रशस्त गरेको छ।
उता भारतीय विदेश मन्त्री एस जयशंकरले आफ्नो सरकार बङ्गलादेशमा रहेका भारतीय समुदायसँग सम्पर्कमा रहेको बताएका छन्। प्रदर्शनका क्रममा निर्दोष नगारिकको हत्या भएको भन्दै बङ्गलादेश प्रहरीले माफी मागेको छ।
भारतीय मिडिया रिपोर्टका अनुसार अरु जो सुकै सरकारमा आएपनि पूर्व प्रधानमन्त्री खालिदा जियाको नेतृत्व नरहोस् भन्नेमा बंगलादेशका सुरक्षा प्रमुखहरुलाई सचेता गराइरहेको छ । जियालाई भारत विरोधी तथा इस्लामिक अतिवादीहरुलाई प्रश्रय दिने नेताका रुपमा नयाँ दिल्लीले लिने गरेको छ ।
प्रतिक्रिया दिनुहोस्