काठमाडौं ११ साउन । पेरिस ओलम्पिक उद्घाटन समारोह हुनुभन्दा केही घन्टाअघि फ्रान्सका सबैभन्दा व्यस्त रेल लाइनहरूमा आक्रमण भएको छ । आक्रमणबाट राजधानीभर अराजकता मच्चाउने ‘दुर्भावनापूर्ण कार्यहरू’ भएको भन्दै इमान्युअल म्याक्रों सरकारले प्रतिक्रिया जनाएको छ । फ्रान्सको उच्च गतिको रेलवे नेटवर्कमा भएको तोडफोडको औपचारिक अनुसन्धान शुरु भएको बताइएको छ ।

राज्यको स्वामित्वमा रहेको रेलवे अपरेटर, एसएनसीएफले रेल लाइनहरुमा आगो लगाउनेहरूले पेरिसलाई देशको पश्चिम, उत्तर र पूर्वसँग जोड्ने उच्च गतिको टिजिभी लाइनहरूलाई अवरुद्ध पारेका छन् । यो आक्रमणले गर्दा सप्ताहन्तमा देशभरि यातायात गम्भीर रूपमा अवरुद्ध हुनेछ।

धेरै रेल सेवाहरू रद्द गर्नुका साथै कम्तिमा सबै सप्ताहन्तको समय मर्मत गर्दा लाग्ने बताइएको छ ।

आक्रमणको अहिलेसम्म कसैले जिम्मेवारीको दावी नगरेको ले मोन्डे दैनिकको अनलाइनले उल्लेख गरेको छ । कतिपय फ्रान्सेली मिडियाले अज्ञात गुप्तचर स्रोतहरूलाई उद्धृत गर्दै चरम वामपन्थी वा अराजकतावादी समूहहरू, जसले विगतमा पनि रेल नेटवर्कमा आक्रमण गरेका थिए उनीहरुको नै आक्रमणमा हात हुनसक्ने दावी गरेका छन् ।
फ्रान्सका यातायात मन्त्रीले ‘समन्वित दुर्भावनापूर्ण कार्यहरू’को निन्दा गरेका छन्

लगभग ८ लाख सेवाग्राहीहरु सप्ताहन्तमा अपेक्षित अवरोधबाट प्रभावित हुनेछन्, रेल अधिकारीहरुले जनाएका छन् ।