बामपन्थी  एनएफपी गठबन्धन के हो ? फ्रान्समा अबको प्रधानमन्त्री को ?
काठमाडौं असार २४ । लेफ्ट फ्रन्टले संसदीय निर्वाचनको दोस्रो चरणमा सबैभन्दा बढी सीटहरू जितेको छ । फ्रान्सले अब मुख्य तीन प्रतिस्पर्धी राजनीतिक समूहहरू – वामपन्थी, केन्द्रवादी र अति दक्षिणपन्थीको सामना गर्नुपर्ने भएको छ। त्रिशंकु अल्पमत संसद र गहिरो राजनीतिक अनिश्चितताको नयां चरणमा फ्रान्स प्रवेश गरेको छ ।

पहिलो चरणको मतदानमा हावी देखिएको मेरिन ले पेन नेतृतवको अति दक्षिणपन्थी आप्रवासी विरोधी पार्टी राष्ट्रिय रैलीको स्पष्ट जितको व्यापक भविष्यवाणीहरू उल्टाउँदै नतिजाहरूले आएका छन्। ५७७ सदस्यीय ससंसदमा बायाँपन्थी नयाँ लोकप्रिय मोर्चाले सवैभन्दा बढी १८२  सीट जित्न सफल भएको छ ।

राष्ट्रपति एमानुएल म्याक्रोनको केन्द्रवादी गठबन्धन दोस्रो स्थानमा रहेर १६८ सीट जितेको छ भने अति दक्षिणपन्थी राष्ट्रिय रैली(आएएन) र यसका सहयोगीहरूदे तेस्रो स्थानमा १४३ सीट जितेका छन् । एक महिना अघिसम्म, नयाँ लोकप्रिय मोर्चा (एनएफपी) को कुनै अस्तित्व थिएन । तर यतिबेला फ्रान्सेली संसदमा सबैभन्दा धेरै सीट जित्ने दल बनेको छ । फ्रान्समा यही मोर्चाका नेता अबको प्रधानमन्त्री बन्न सक्नेछन् ।

यो बायाँपन्थी गठबन्धनले आफ्नो मोर्चाको नाम एक महिना अगाडि मात्र राखेको हो ।  अति दक्षिणपन्थी शक्तिललाई सत्ता सत्ता कव्जा गर्नबाट रोक्न सफल यो वामपन्थी मोर्चाले आफ्ने सन् १९३६ को वामपन्थी विरासत फर्काएको देखिएको छ ।

धेरै हतारमा समेटिएको यो गठबन्धन विभिन्न राजनीतिक दलहरू मिलेर बनेको छ । यसले उच्चस्तर मा जनतालाई न्युनतम ुविधा र सेव प्रदानका लागि राज्यले सार्वजनिक खर्च बढाउनु पर्ने नीति अख्तियार गरेको छ । यसको विजयबाट वित्तीय बजार भने डराउन ससक्ने सिएनएनले जनाएको छ ।

एनएफपी कस्तो दल हो ?
एनएफपी विभिन्न दलहरू मिलेर बनेको छः अति वामपन्थी फ्रान्स अनबाउन्ड पार्टीस, मध्यम समाजवादी पार्टीस, हरित वातावरणवादी पार्टीस फ्रान्सेली कम्युनिस्ट पार्टीस, सेन्ट्रिस लेफ्ट प्लेस पब्लिक, र अन्य साना दलहरूमिलेर बनेको यो मोर्चा हो ।

फ्रान्सेली बायाँपन्थी गठबन्धनले अचम्मको दोस्रो चरणको नतिजामा दक्षिणपन्थीलाई हराउन सफल भएको छ ।
राष्ट्रपति एमानुएल म्याक्रोनले अचानक संसदको चुनावको घोषणा गरेपछिको केही दिनमा मात्र गठन भएको मोर्चा हो ।गत महिनाको यूरोपीय संसदको चुनावमा उनको मध्यपन्थी(केन्द्रवादी) पार्टी मरीन ले पेन नेतृत्वको दूरदराजको घोरदक्षिणपन्थी राष्ट्रिय रैली (आरएन) पार्टीले अपमानजनक पराजय देखाएपछि मध्यावधि चुनावको आह्वान गरिएको थियो ।

एनएफपीको नेतृत्वमा को छ ?

यो मोर्चामा रहेका प्रत्येक पार्टीका मुख्यालय अलग–अलग छन् । उनीहरुले चुनावको प्रचारपनि त्यससैगरी गरेका थिए । चुनाव दोस्रो चरणमा जाँदा, गठबन्धनले आफ्नो प्रधानमन्त्रीका लागि कसलाई नामांकन गर्ने भन्ने कुरा स्पष्ट गरेको थिएन ।

यस मोचाकौ सबैभन्दा प्रमुख – व्यक्ति जीन–लुक मेलेंचोन हुन्, ७२ वर्षीय लोकप्रिय तथा दक्षिणपन्थका विरुद्ध आगो ओकल्ने नेताले फ्रान्स अनबाउन्ड पार्टीको लामो सयदेखि नेतृत्व गर्दै आएका छन् ।
फ्रान्स अनबाउन्डलाई गठबन्धनको सबैभन्दा ठूलो एकल पार्टी भएको छ । उसले ८० सीट जितेको छ।

तर म्याक्रोनको एन्सेम्बल पार्टीका नेताहरुले फ्रान्स अनबाउन्डसँग मिल्ने कुरा अस्वीकार गर्दै आएका छन् ।

प्रधानमन्त्री पदबाट राजीनामा दिने घोषणा गर्दै, गेब्रियल एटालले सोमबार फ्रान्स अनबाउन्ड पार्टीलाई व्यंग्य गर्दै भनेः “कुनै पनि चरमपन्थीको नेतृत्वमा कुनै पनि पूर्ण बहुमत हुन सक्दैन। हामीले फ्रान्सेली भावना, गणतन्त्र र यसको मूल्यहरूसँग गहिरो रूपमा संलग्न छौं।ू

मेलेंचोन यहूदीविरोधीको आरोप लाग्ने गरेको छ ।

गठबन्धनको एक अधिक स्वीकार्य अनुहार समाजवादी फाउरे वा प्लेस पब्लिकका मध्यम नेता र यूरोपीय संसदका सदस्य राफाएल ग्लक्समन हुन सक्ने बताइएको छ ।

दोस्रो चरणको मतदान पछि पेरिसको रिपब्लिक चौकमा मानिसहरू भेला हुन्छन्।

एनएफपीका नीतिहरू :
विदेश नीतिमा एनएफपीले “तुरुन्तै” फिलिस्तीनी राज्यलाई मान्यता दिने प्रतिज्ञा गरेको छ, र इजरायल र हमासलाई गाजामा युद्धविरामको लागि दबाब दिनेछ।

एनएफपीले व्यापक आर्थिक सुधारको प्रचार गरेको थियो, न्यूनतम मासिक तलब १,६०० युरो पुर्याउने र आवश्यक खाद्य पदार्थ, बिजुली, ईन्धन र ग्यासको मूल्य घटाउने गर्ने वाचा गरेको छ ।

मोर्चाले म्याक्रोनको पेन्सन सुधारलाई खारेज गर्ने वाचा पनि गरेको थियो, जुन निकै अलोकप्रिय नीति हो । यसले गर्दा फ्रान्सेली सेवानिवृत्तिको उमेर – पश्चिमी विश्वको सबैभन्दा कम मध्ये एक हो – ६२ बाट ६४ मा पुर्‍याएको थियो।

फ्रान्स यूरोजोनमा सबैभन्दा उच्च घाटा व्योहोरिरहेको छ । यससले अहिले यूरोपेली आयोगको नयाँ वित्तीय नियमहरूको उल्लङ्घन गर्ने जोखिममा छ । यो नीति कोविड–१९ महामारी र ऊर्जा संकटबाट देशहरूलाई पुनःस्थापित गर्न मद्दत गर्न निलम्बित गरिएको थियो।

म्याक्रोनले चुनाव घोषणा गरेका कारण, वित्तीय बजार डराएको छ ।

किनकि एनएफपीले पूर्ण बहुमत प्राप्त गर्न पर्याप्त सीट जित्ने प्रक्षेपण गरिएको छैन, यसले अर्को गठबन्धनमा प्रवेश गर्नुपर्नेछ – सम्भवतः एन्सेम्बलसँग, जसले यसको केही अधिक कट्टर खर्च नीतिहरूलाई पलाना गराउन प्रयास गर्न सक्छ – । त्यस्तै कानूनहरू पारित गर्नस सक्छ ।