काठमाडौं ७ चैत । राष्ट्रपति भो भान थुङको गल्ती के होभ न्ने स्पष्ट नभएपछि उनको राजनिामाले भियतनामका नेताहरू बीचको आन्तरिक शक्ति संघर्षलाई सतहमा ल्याएको छ ।
भियतनामका राष्ट्रपति भो भान थुङले कम्युनिष्ट पार्टीको नियम उल्लङ्घन गरेपछि राजिनामा दिएको सरकारी मिडियाले जनाएका छन् । यो एक वर्ष भन्दा कम समयको बीचमा यसरी राजीनामा गर्ने उनी दोस्रो राष्ट्रपति हुन् । राष्ट्रपति भो भान थुङले के गल्ती गरेका थिए भन्ने विवरण बाहिर आएका छैनन् ।

भियतनाममा राष्ट्रपति पद नेतृत्व समूहको एक हिस्सा हो (जसमा कम्युनिष्ट पार्टीका नेता(महासचिव), प्रधानमन्त्री र संसदको सभामुख समावेश छन् ) यही समूहले नै भियतनाममा शासन गर्दछ । राष्ट्रपति पद भियतनामको संवैधानिक व्यवस्था अनुसार अलंकारिक हो ।
थुङको राजीनामाले एकता र स्थिरतामा गर्व गर्ने एकदलीय प्रणालीका धेरै अधिकारीहरूलाई निरुत्साहित गर्ने सम्भावना रहेको पश्चिमी मिडियाले टिप्पणी गरेका छन् । ५३ वर्षीय थुङ, भियतनामी आधुनिक इतिहासमा सबैभन्दा कान्छो राष्ट्रपति हुन् । ७९ वर्षीय ट्रोङको सम्भावित उत्तराधिकारीको रूपमा उनी देखिएका थिए । ट्रोङले उनलाई सिफारिस गरेका थिए ।

‘दुई वर्ष भित्र दुई राष्ट्रपतिले राजीनामा दिएको तथ्य मात्र राजनीतिक स्थायित्वको लागि प्रायः प्रशंसा गरिएको देशको लागि सकारात्मक संकेत होइन’ सिंगापुरको अनुसन्धान संस्था आइएसइएस (युसुफ इशाक इन्स्टिच्युट) का भिजिटिङ्ग फेलो न्गुएन खाक जियाङले भनेका छन् । थुङको राजीनामाले २०२६ मा अर्को नेतृत्वलाई हस्तान्तरण गर्नु अघि कम्युनिष्ट पार्टी भित्रको शक्ति संघर्षको ‘तीव्र अवधिको सङ्केत’ गरेको न्गुएनले बताए।
भियतनामको कम्युनिष्ट पार्टीले देश एकीकरण भएको झण्डै पाँच दशकदेखि देशमा शासन गरिरहेको छ। २०२१ मा, ट्रोङलाई अभूतपूर्व तेस्रो पाँच वर्षको कार्यकालको लागि महासचिवको रूपमा पुनः नियुक्त गरिएको थियो । त्यसो गर्नुमा पार्टी नेताहरूले उनी उत्तराधिकारी हुने कुरामा सहमतिमा पुग्न असफल भएका थिए ।

भियतनामले संयुक्त राज्य अमेरिका र चीनबीचको नाजुक सवन्धका लागि सन्तुलन कायम गर्ने बारेमा प्रशंसा हुने गरेको छ ।
आफ्नो छोटो कार्यकालमा, राष्ट्रपति थुङले धेरै विश्व नेताहरूसँग भेटेका थिए । उनले राष्ट्रपति बाइडेन र चीनका राष्ट्रपति सी जिनपिङ लगायत विश्वका प्रमुख नेताहरुलाई भेट्ने अवसर मिल्ने कारण भियतनाम, एसियाको सबैभन्दा द्रुत बृद्धि हुने अर्थतन्त्रको पावर हाउस भएकोले हो । तर हालैका वर्षहरूमा भियतनाममा जम्मा भएका विदेशी लगानीकर्ताहरूलाई यस देशले स्थिर राजनीतिक वातावरण प्रदान गरेको छ भनी विश्वास गर्दै यस परिवर्तनले डराउन सक्छ।

धेरै विश्लेषकहरूले भ्रष्टाचार विरोधी अभियानको नतिजा मिश्रित रहेको बताएका छन्। रातो टेप र घूसखोरी घटेको देखिए पनि निर्णय प्रक्रियामा सुस्तता देखिएको बताइएको छ । भ्रष्टाचार र अनियमितता २०२० देखि, लगभग ४० हजार सार्वजनिक पद ओगटेका अधिकारी र कर्मचारीहरूले राजीनामा दिएका छन् ।
विश्लेषकले जियाङले भ्रष्टाचारको आरोपमा राष्ट्रपति थुङ राजीनामा दिन बाध्य भएको हुनसक्ने बताए।
‘अन्ततः, दुई राष्ट्रपतिको जबरजस्ती राजीनामाले स्पष्ट सन्देश भियतनाममा कोही पनि सुरक्षित छैनन्’ भन्ने हो भन्ने विश्लेषकहरुले ठहर गरेका छन् ।