काठमाडौं, ४ फागुन । फिलिपिन्सका राष्ट्रपति रोद्रिगो डुतेर्तेले विद्रोही सेना मारेबापत ३८४ डलर दिने घोषणा गरेका छन् । पछिल्लो समय एक जना आदिवासी र उनको छोराको हत्या भएको खबर आएपछि राष्ट्रपति डुर्टेटेबाट उक्त घोषणा आएको हो ।

डुतेर्तेको सो भनाईलाई मानव अधिकार समूहहरु र आदीवासी अभियन्ताहरुले विरोध गरेका छन् । अधिकार समूहले यसबाट सेनालाई युद्ध अपराध गर्न प्रोत्साहित हुने डर व्यक्त गरेको छ ।

ह्युमन राइट वाचका कार्लोस एच कोन्डले बिहिबार अल जेजिरासँग कुरा गर्दै भनेका छन् “डुतेर्तेको भनाईले सशस्त्र द्वन्दसम्बन्धी अन्तराष्ट्रिय अभिसन्धी उल्लघंन गर्न प्रोत्साहित गर्छ ।”

अघिल्लो हप्ता डुतेर्तेले आदीवासीहरुलाई अर्धसैनिक तालिम दिने घोषणा गरेका थिए । घोषण अनुसार त्यस तालिम लिएका लडाकूको काम आफ्नो समुदायमा रहेका कम्युनिष्ट विद्रोहीलाई खोजेर मार्ने हुनेछ । र प्रत्यक एक हत्याको लागि ३८४ डलर दिइने कुरा राष्ट्रपतिले सो घोषणामा भनेका थिए ।

“तपाई पैसा चाहनुहुन्छ रु म दिनेछु ,” उनले भने “म प्रति टाउको बाराबर २०,००० पेसो दिनेछु ।”

यो पछिल्लो विवाद डुतेर्तेको अघिल्लो विवादास्पद भनाईको चर्चा नसेलाउदै आएको हो । रिपोर्ट अनुसार सेनाका नौजवानहरुलाई सम्बोधन गर्दै डुतेर्तेले कम्युनिष्ट विद्रोहीका महिला सदस्यहरुको ‘योनाङ्ग’मा गोली हानेर ‘काम नलाग्ने’ बनाउन भनेका थिए ।

राष्ट्रपतिले विद्रोहीहरुको टाउकोको मूल्यको घोषणा एक जना आदिवासी नेता र उनको छोराको हत्या भए पछि आएको हो । सो नेता आफ्नो समूदायमा चिनिएका अर्धसैनिक सैन्यका सदस्य थिए ।

सन् १९६८ देखि फिलिपिन्समा एक कम्युनिष्ट घटक सशस्त्र विद्रोहमा रहेको छ । त्यस यता भएको हिंसामा परि ३०,००० मनिसले ज्यान गुमाइसकेका छन् ।

डुतेर्ते प्रशासनको प्रारम्भमा विद्रोही र सरकारबिच युद्ध विराम भएर शान्ति वार्ता भएको थियो । तर सन् २०१७ बाट दुई पक्ष बिच भएका छिटपुट भिडन्तहरु पछि डुतेर्तेले सो समूहलाई आतङ्कवादी समूह घोषणा गर्दै शान्ति प्रक्रिृया अन्त्य गरे ।