भारत, २९ माघ । भारतको छत्तीसगढ राज्यले तेस्रो लिंगीलाई प्रहरीमा भर्ना हुन विज्ञापन खुल्ला गरेको छ ।
छत्तीसगढ सरकारले प्रहरीमा २ हजार २५९ सीटका लागि आवेदन खुला गरेको छ । यसमध्ये केही सिटमा तेस्रो लिंगीले पनि अवसर पाउने भएका छन् ।
छत्तीसगढ सरकारको समाज कल्याण मन्त्री रमशीला साहुले तेस्रो लिंगी समुदायका व्यक्तिले ईच्छा अनुसार महिला वा पुरुष वर्गमा आवेदन दिन सक्ने बताएका छन् । उनले भने, ‘जुन वर्गमा उनीहरुले आवेदन दिनेछन्, सोही अनुरुप शारीरिक मापदण्ड पुरा गरेर तेस्रो लिंगीले सेवाको अवसर प्राप्त गर्नेछ । छत्तीसगढ भारतको त्यो पहिलो राज्य हो, जसले तेस्रो लिंगी कल्याण बोर्ड गठन गरेको छ।’
हाल प्रहरीमा भर्ना हुनका लागि ४० भन्दा बढी तेस्रो लिंगीले आवेदन दिएको खुलेको छ ।
प्रतिक्रिया दिनुहोस्