दमौली १० बैशाख ।। तनहुँ क्षेत्र नम्बर १ मा राष्ट्रिय स्वतन्त्र पार्टीका उम्मेदवार डा। स्वर्णिम वाग्लेले अग्रता झन् झन फराकिलो पार्दै गएका छन्।

सोमबार बिहान पौने ९ बजेसम्मको परिणामअनुसार त्यहाँ वाग्लेले कांग्रेसका गोविन्द भट्टराई भन्दा १४ सय ५४ मतको फराकिलो अग्रता बनाउन सफल भएका छन्।

आइतवार राति गणना भएदेखि अग्रता बनाएका वाग्लेले पछिल्लो मतपरिणाम अनुसार ७ हजार ६ सय २५ मत ल्याएका छन्।

त्यहाँ उनलाई पछ्याइरहेका नेपाली कांग्रेसका गोविन्द भट्टराईले ३ हजार ४ सय ७१ मत प्राप्त गरेका छन्।

त्यस्तै, तेस्रोमा रहेका नेकपा एमालेका उम्मेदवार सर्वेन्द्र खनालले २ हजार २ सय १९ मत ल्याएका छन्।

मुख्य निर्वाचन अधिकृतको कार्यालय अनुसार अहिलेसम्म त्यहाँ ९ वटा वडाको १३ हजार ७५९ मतगणना भइसकेको छ।

तनहुँ–१ मा आइतबार भएको उपनिर्वाचनमा ६३ हजार ७५७ मत खसेको निर्वाचन कार्यालयले जनाएको छ।