काठमाडौँ, २७ माघ । पोर्चुगिज फरवार्ड क्रिस्टियानो रोनाल्डोले साउदी प्रो लिगअन्तर्गत अल वेहदाविरूद्धको खेलमा ४ गोल गरेका छन् ।
किंग अब्दुल अजिज स्टेडियममा सम्पन्न खेलमा अल नासारले घरेलु टोलीमाथि ४–० को जित दर्ता दर्ता सबै गोल रोनाल्डोले गरे ।
उनले खेलको २१, ४०, ५३ र ६१औँ मिनेटमा गोल गरे । योसँगै उनले आफ्नो करियरको ५००औँ लिग गोल पनि पूरा गरेका छन् । उनले दुईपटक गरी म्यानचेस्टर युनाइटेडमा १०३, रियल मड्रिडमा ३११, युभेन्टसमा ८१ र स्पोर्टिङ लिस्बनमा ३ गोल गरेका थिए ।
जितसँगै अल नासर लिगको शीर्ष स्थानमा उक्लिएको छ । नासरको १६ खेलबाट ३७ अंक रहेको छ । त्यस्तै, दोस्रो स्थानमा रहेको अद शबाबको १७ खेलबाट ३७ अंक नै छ ।
प्रतिक्रिया दिनुहोस्