काठमाडौं २७ पुस । प्रधानमन्त्री पुष्पकमल दाहाल प्रचण्ड नेकपा एमालेका अध्‍यक्ष केपी शर्मा ओलीसाँग छलफल गर्न गोरखाबाट सिधै ओली निवास बालकोट पुगेका छन् । आज अपरान्ह प्रधानमन्त्री प्रचण्ड गोरखा महोत्वसको उद्घाटन गर्न गोरखा पुगेका थिए ।

बुधबार साँझ प्रधानमन्त्री प्रचण्ड ओली निवास पुगेर मंगलबार संसदमा कांग्रेसले विश्वासको मत दिएर के गर्न खोजेको हो भन्ने बारेमा ओलीले चासो राखेको विषयमा छलफल भएको छ । स्रोतका अनुसार प्रधानमन्त्री प्रचण्डले संसद विघटन सही कि गलत भन्ने लफडमा नपर्न ओलीलाई सल्लाह दिएका छन् । प्रचण्डले कांग्रेसले आफ्नो रणनीति अनुसार विश्वासको मत दिएको कुरालाई एमाले–माओवादी बीचको समझदारीमा प्रवेश गराउन नहुने विषयमा आफू सचेत रहेको प्रचण्डले ओललाई बताएका छन् ।

प्रधानमन्त्रीले मंगलबार संसदमा असाधारण विश्वासको मत पाएपछि मन्त्रिपरिषद् विस्तारका लागि दुई नेताबीच छलफल भएको छ । सत्ता गठबन्धनका अरु दललाई पनि मन्त्रीको नाम माग्ने र दुई दिनभित्र मन्त्रिपरिषद्लाई पूर्णत दिने विषयमा सहमति भएको छ ।
दुई नेताबीचको छलफलमा प्रधानमन्त्री प्रचण्डले एमालेको तर्फबाट सभामुखको उमेद्वारको नामका बारेमा चासो राखेका छन् । ओली सम्भावित ३ जना नेताको नाम प्रचण्डलाई सुनाएको बताइएको छ ।

सभामुखको निर्वाचन माघ ५ गते हुँने कार्यतालिका रहेको छ । प्रधानमन्त्री जस्तै सभामुख पनि दुई दलका बीचमा आलोपालो गर्ने पहिले नै सहमति भएको छ ।
एमाले अध्यक्ष ओलीले पार्टी उपमहासचिव पृथ्वीसुव्वा गुरुंग र सचिव छविलाल विश्वकर्मा मध्ये एकलाई सभामुख पदमा अघि सार्ने बताइएको छ । सांसद विद्या भट्टराईको समते चर्चा भएपनि भट्टराईलाई ओलीले परराष्ट्रमन्त्री बनाउन चाहेका छन् । भट्टराई एमालेको विदेश विभाग प्रमुख राजन भट्टराईकी बहिनी हुन् । उनक पति तथा लोकप्रिय युवा नेता रविन्द्र अधिकारीको ताप्लेजुंग हेलिकप्टर दुर्घटनामा निधन भएको थियो ।

प्रधानमन्त्री प्रचण्डले गोरखा महोत्सवको उद्घाटन गर्दै गोरखाको विकासमा कायपलट हुने प्रतिवद्धता जनाए