काठमाडौं ११ पुस । सत्ता गठबन्धभित्र मन्त्रालय बाँडफाँट टुङ्ग्याउन नेकपा एमाले– नेकपा माओवादीसहितको सत्ता गठबन्धनको बैठक सुरु भएको छ। माओवादी अध्यक्ष पुष्पकमल दाहाल प्रचण्ड प्रधानमन्त्रीमा नियुक्ति भएसँगै दलहरूले मन्त्रालयको भागबन्डा गर्ने तयारी गरेका हुन्।

बैठकमा गठबन्धनमा आबद्ध ७ दल छन्। ३ जना स्वतन्त्र सांसद पनि छन्। अमरेशकुमार सिंह र प्रभु साह र किरण साहले पनि सरकारलाई समर्थन गरेका छन्।

दलहरुबीच मन्त्रालय बाँडफाँडका विषयमा छलफल भइरहेको नेताहरूले बताए। सोमबार अपराह्न ४ बजे दाहालसहित केही मन्त्रीहरूले राष्ट्रपति निवासमा शपथ लिने कार्यक्रम रहेको छ।

गठबन्धनमा एमाले र माओवादीसहित राष्ट्रिय स्वतन्त्र पार्टी, राष्ट्रिय प्रजातन्त्र पार्टी, जनता समाजवादी पार्टी,नागरिक उन्मुक्ति पार्टी र जनमत पार्टी छन् ।
यसल अघि एमालेबाट उपाध्क्ष विष्णु पौडेल र माोवादीबाट नारायण काजी श्रेष्ठ उपप्रधानमन्त्री हुने निर्णय गरिसकेका छन् । रास्वपाबाट अध्यक्ष रवि लामिछानेको नेतृत्व सरकारमा सहभागी हुने निर्णय गरेका छन् ।