काठमाडौं । नेपाली कांग्रेसका सभापति शेरबहादुर देउवाले एकलौटी ढंगले केन्द्रीय सदस्यहरु मनोनीत गरेपछि शेखर कोइराला पक्षले असन्तुष्टि व्यक्त गरेको छ ।आज काठमाडौंमा आफू निकटका नेताहरुको भेलामा नेता कोइरालाले सभापति देउवाले कुन मापदण्ड अपनाएर सदस्यहरू नियुक्त गरेको भन्दै प्रश्न गनुभयो । देउवाले आफू निकटका पराजित उम्मेदवारहरुलाई केन्द्रीय समितिमा ल्याएको भन्दै कोइराला पक्षले असन्तुष्टि जनाएको हो । पार्टीमा न्यायोचित अवसरको वितरण र व्यवस्थापन हुन जरुरी रहेको बताउ“दै उहा“ले सभापतिको लाइक र डिस्लाइकबाट व्यक्तिको छनोट भए पार्टीमा दुर्घटना हुन सक्ने भएकाले सचेत हुन आग्रह गर्नुभयो ।

भेलामा नेता कोइरालाले विधि र विधान बाहिर गएर गरिने सबै कामहरु बन्द गर्न सबै एकढिक्का भएर प्रयत्न गर्नुपर्नेमा जोड दिनुभएको थियो । उहा“ले पार्टीका निष्ठावान, इमान्दार र त्यागी नेता, कार्यकर्ताहरुलाई पाखा लगाउने कामका विरुद्ध आवाज उठाउनुपर्ने बताउनुभयो । पार्टी नेतृत्वको गतिविधि र निर्णयले कांग्रेस संगठनमा निराशा पैदा भए आगामी निर्वाचनहरु असहज हुन सक्ने उहा“को भनाई छ । नेता कोइरालाले आगामी तीन वटै तहको निर्वाचनमा नेपाली कांग्रेस एक्लै लड्ने बताउनुभयो । कांग्रेसलाई एक्लै लडेर विजयी बनाउने दावी उहा“ले गर्नुभयो । एक नम्बरको पार्टी बनाउन र कांग्रेस एकता र रुपान्तरणको सन्देश बोकेर जनताको बीचमा जाने पनि उहा“ले उल्लेख गर्नुभयो । उहा“ले आफ्नो समुह पार्टीको निर्णय गर्ने ठाउ“मा प्रभावकारी हुन नसकेपनि पार्टीभित्र हुने सबै कार्यहरु न्यायसंगत, विधि र विधानसम्मत, विवेकपूर्ण र व्यवहारिक तरिकाबाट निर्णय गराउन आवाज उठाउने बताउनुभयो ।

भेलालाई सम्बोधन गर्दै नेपाली कांग्रेसका महामन्त्री गगन थापाले चुनावसम्म गठबन्धन भने कायमै रहने भए पनि कांग्रेसले निर्वाचन भने एक्लै लड्ने बताउनुभयो । महामन्त्री गगन थापाले आफ्नो समूहको शक्ति कांग्रेस केन्द्रीय समिति भन्दा बाहिर रहेको दाबी गर्दै ४० प्रतिशत मत ल्याएको शक्तिलाई बेवास्ता गरेर पार्टी चल्न नसक्ने बताउनुभयो । भेलामा उपसभापति धनराज गुरुङ्, महामन्त्री थापा, सहमहमन्त्रीद्वय बद्री पाण्डे र जीवन परियारलगायतका शेखर पक्षबाट महाधिवेशनमा उम्मेदवार भएका सबैजसो नेताहरु उपस्थित हुनुहुन्थ्यो ।