काठमाडौं, २९ फागुन । भारत सरकारको सहयोगमा सर्लाही जिल्लाको मलंगवा नगरपालिकाको वडा न ३ र ४ मा निमार्णाधीन कल्भर्ट र ढल निकासको आज एक कार्यक्रमका वीच उद्घाटन गएिको छ । भारत सरकारको ४२।७८ मिलियनको आर्थिक सहयोगमा निमार्ण भएको कल्भर्ट उद्घाटन गरिएको हो।

कल्भर्ट र ढल निकासीको उद्घाटन नितेश कुमार, महावाणिज्यदूत, भारत को महावाणिज्य दूतावास, विरगंज र होमनाथ सुवेदी, मुख्य प्रशासनिक धिकृत, मलंगवा नगरपालिका द्वारा संयुक्तरूपमा गर्नुभयो । नेपाल भारत विकास सहकार्य कार्याक्रम अन्तर्गत भारत सरकारको अनुदान सहयोगमा कल्भर्ट र ढल निकासी निर्माण दुई प्याकेजहरू मार्फत गरिएको थियो । उक्त परियोजना भारत सरकार र नेपाल सरकार बिचको समझौता अन्तर्गत एक उच्च प्रभाव सामुदायिक विकास परियोजनाको रुपमा लिईएको थियो ।

कल्भर्ट र ढल निकास निमार्णका लागि भारतिय दुतावास, काठमाँडौ र संघिय मामिला तथा सामान्य प्रशासन मंत्रालय अन्तर्गत नगरपालिका कार्यकारीको कार्यालय, मलंगवा नगरपालिका बिच सम्झौता भएको थियो। यो नवनिर्मित नालाले मलंगवा नगरपालिकाको ढल निकासी र सरसफाई प्रणाली बढाउने अपेक्षा गरिएको जनाईएको छ । उक्त परियोजनाले मलंगवा नगरपालिकामा रहेको ५०० घरपरिवारलाई प्रत्यक्ष वा अप्रत्यक्षरूपले लाभ पुग्ने विश्वास समेत गरिएको छ । यस परियोजनाले नेपाल र भारत बिचको विकास साझेदारीलाई प्रतिविम्वित गर्नुका साथै फोहोर व्यवस्थापनको क्षेत्रमा पुर्वाधार अभिवृद्धि गर्न नेपाल सरकारले गरेको प्रयासलाई थप बल पु¥याएको कार्यक्रम बताईएको छ ।