काठमाडौं, ११ असार । छिमेकी राष्ट्र चीनस्थित गुडविल फाउन्डेसन टिएआर पिपुल्स रिपब्लिक अफ चाइना) बाट सहयोग स्वरुप प्राप्त भएको ५० हजार थान मास्क मिडिया सोसाईटीले बिहीबार वितरण गरेको छ ।

छिमेकी राष्ट्र चीनस्थितको गुडविल फाउन्डेसनबाट सहयोग स्वरुप १८ लाख बरावरको ५० हजार थान सर्जिकल मास्क नेपाल मिडिया सोसाईटीले बिहीबार वितरण गरेको छ । मिडिया सोसाईटीमा आबद्ध २१ वटा संस्थाहरुलाई प्रतिसंस्था २ हजार मास्क र सूचना तथा प्रसारण विभागलाई ४ हजार थान मास्क हस्तान्तरण गरिएको छ ।

विभागका महानिर्देशक लेखनाथ शर्माको प्रमुख अतिथ्यतामा मिडिया सोसाईटीका अध्यक्ष शुभशंकर कंडेलद्धारा उक्त मास्क वितरण कार्यक्रम गरिएको थियो ।

मास्क वितरण कार्यक्रमका अध्यक्ष कंडेलले चिनिया सहयोग प्रति धन्यवाद दिनु भएको छ । उहाले चीनस्थितको गुडविल फाउन्डेसनले नेपाल मिडिया सोसाईटीको अनुरोधलाई स्वीकार गरि प्रदान गरेको सहयोग को प्रशंसा गर्नुभयो ।

अध्यक्ष कंडले विगतका दिनमा पनि गुडविल फाउन्डेसनबाट शिक्षा र स्वास्थ्य क्षेत्रमा सहयोग गर्दै आईरहेको बताउनुभयो । कार्यक्रममा विभागका महानिर्देशक शर्माले कोरोनाका कारण आमसञ्चार क्षेत्रमा परिरहेको प्रभाव र विशेषतः श्रमजिवी पत्रकारहरुलाई परिरहेको असहजताप्रति सबैले ध्यान दिन आग्रह गर्दै मिडिया सोसाईटीलाई धन्यवाद व्यक्त गर्नुभएको छ ।

साथै कोरोना महामारीमा मिडियाका तर्फबाट सरकारलाई आवश्यक पर्ने सहयोगात्मक भूमिकाहरु निर्वाह गर्न पनि विभागले आग्रह गरिरहेको छ ।

उक्त मास्क वितरण कार्यक्रममा नेपाल मिडिया सोसाइटीका, उपाध्यक्ष निर्मल गुरुङग, महासचिव मदन लम्साल, सचिव शिशिर भट्ट तथा सदस्यहरुको उपस्थिति रहेको थियो । गुडविल फाउन्डेसनको तर्फबाट अवश्यक परेमा नेपाल मिडिया सोसाइटीलाई थप मास्क तथा मेडिकल सामाग्री उपलब्ध गराउने बताएको छ ।