नयाँ दिल्ली, ११ असार । भारतमा कोरोनाभाइरसबाट सङ्क्रमितको दैनिक संख्या अहिलेसम्मकै सबैभन्दा धेरै देखिएको छ ।
सरकारी अधिकारीहरुले विहिवार विहान दिएको जानकारी अनुसार भारतमा एकै दिन १६ हजार बढी सङ्क्रमित भेटिएका छन् ।
भारतको केन्द्रीय स्वास्थ्य तथा परिवार कल्याण मन्त्रालयले पछिल्लो २४ घण्टामा १६ हजार ८७० जना कोरोनाभाइरसबाट सङ्क्रमित भएको जनाएको छ । सोही अवधिमा भारतमा कोरोनाका कारण ४२४ जनाको मृत्यु भएको छ । योसँगै भारतमा कुल मृतकको संख्या १४ हजार ९०७ पुगेको छ भने सङ्क्रमितको संख्या चार लाख ७२ हजार ९८५ पुगेको छ ।
भारतमा अहिले पनि कोरोनाभाइरसबाट सङ्क्रमित अवस्थामै रहेकाहरुको संख्या एक लाख ८६ हजार ३९२ रहेको छ । त्यसैगरी सङ्क्रमणमुक्त भएकाहरुको संख्या दुई लाख ७१ हजार ६८८ पुगेको छ ।
प्रतिक्रिया दिनुहोस्