धनगढी, ३२ जेठ । कैलालीको एक क्वारेन्टिनमा बसेकी एक महिलाले आफू सामूहिक बलात्कारमा परेको बताएकी छन् । लम्कीचुहा नगरपालिका वडा नम्वर १ स्थित शहीद स्मृति माविको क्वारेन्टिनमा रहेकी ३१ वर्षीया महिलाले शनिबार मध्यरातमा सामुहिक बलात्कार भएको भन्दै न्याय मागेकी हुन् ।

तर घटना लुकाउन खोजिएको भन्दै स्थानीयबासीले आइतबार वडा नम्बर १ को कार्यालयसमेत तोडफोड गरेका छन् । स्थानीयको विरोधपछि प्रहरीले तीन जनालाई पक्राउ गरेको छ । भारतबाट गौरीफान्टा नाका हुदै जेठ २० गते देखि लम्कीचुहा नगरपालिकाले बनाएको लम्कीमा रहेको सहिदस्मृति माध्यामिक विद्यालयको क्वारेन्टाइनमा बस्दै आएकी महिलाले क्वारेन्टाइनको ब्यवस्थापनको लागि खटीएका स्वास्थ्यकर्मी सहित ३ जना स्वयंसेवकले आफुलाई जबर्जस्ती गरेको आरोप लगाएकी थिईन् । जिल्ला प्रहरी कार्यालय कैलालीका प्रवक्ता प्रहरी नायव उपरीक्षक प्रतीक विष्ट ले भन्नुभयो  ‘जाहेरी परेको छैन, तर हामी अनुसन्धान गर्दैछौं ।’