२१ वैशाख, काठमाडौं ।

प्रधानमन्त्री तथा मन्त्रिपरिषदको कार्यालयले लोक सेवा आयोगलाई पत्र मार्पmत कर्मचारी पदपूर्ति नगर्न निर्देशन दिएको छ । कोरोना भाइरस संक्रमणका कारण अर्थ व्यवस्था प्रभावित भएकाले कर्मचारी भर्ना नगर्ने निर्णय गरिएको हो । त्यसलगत्तै लोक सेवा आयोगले अनिश्चितकालका लागि लिखित तथा अन्तर्वार्ताका सबै परीक्षा स्थगित गरेको छ ।
अर्को व्यवस्था नभएसम्मका लागि नया पद सृजना नगर्न निर्देशन प्रधानमन्त्री तथा मन्त्रिपरिषदको कार्यालयल दिएको हो । रिक्त दरबन्दी पदपूर्ति गर्न लोक सेवा आयोगबाट लिइएको विज्ञापनअनुसार परीक्षा सञ्चालन हुन बाकी रहेका र पदपूर्तिका लागि विज्ञापन आह्वान गर्न बाँकी रहेका सम्पूर्ण पदपूर्तिसम्बन्धी कार्य हाललाई स्थगित गर्न भनिएको छ । प्रधानमन्त्री तथा मन्त्रिपरिषद कार्यालयको खर्च बढ्दै गएको र कर्मचारीको व्यवस्थापन गर्न पनि समस्या भइरहेकाले हाल पदपूर्ति नगर्ने निर्णयमा पुगिएको बताइको छ ।
खर्च कम गर्ने उद्देश्यले सरकारले अत्यावश्यक सेवाबाहेकका क्षेत्रमा कर्मचारी पदपूर्ति नगर्ने निर्णय गरेकोे छ ।
यसबीचमा पहिलो चरणको लिखित परीक्षा पास गरिसकेका अधिकृत, सुब्बालगायत पदका परीक्षार्थीहरु प्रभावित भएका छन् । यस्तै अन्तर्वार्ता लिन मात्र बाँकी रहेको सहसचिवको परीक्षा पनि रोकिएको छ । अब परीक्षालाई के गर्ने भन्ने कुरा मन्त्रिपरिषदको निर्णयमा स्पस्ट खुलाइएको छैन ।
लकडाउनले दीर्घकालीन रुपमा पार्ने असर ठूलो हुने भएकाले सरकारले कर्मचारीहरुको संख्या घटाउनुपर्ने योजना पनि बनाउनुपर्ने अर्थ्विदको राय पनि रहेको छ ।  यसबारे औपचारिक निर्णय भने भने भइ सकेको छैन ।