इण्डोनेसिया,११ मंसिर । इण्डोनेसियाको बालीमा ज्वालामुखी विस्फोटको उच्च खतरा देखिएपछि साढे ७ किलोमिटर वरपरसम्मको बस्ती खाली गर्न सूचना जारी गरिएको छ ।
बाली टापुमा रहेको माउण्ट अगुङमा ज्वालामुखिबाट चार हजार मिटरमाथिसम्म खरानी उडेपछि इण्डोनेसियाको विपद् व्यवस्थापन विभागले सूचना जारी गरेको हो । एक हप्तामा दुई पटक उस्तै घटना भएपछि विमान कम्पनीहरुलाई पनि सचेत गराइएको छ । ज्वालामुखीबाट उडेको खरानीले ढाकेको बादल लोम्बोक टापु र मुख्य अन्तर्राष्ट्रिय विमानस्थलतर्फ उडिरहेको भन्दै त्यहाँका उडान समेत रद्ध गरिएको त्यहाका संचारमाध्यमले जनाएको छ ।
प्रतिक्रिया दिनुहोस्