काठमाडौं,२२ फागुन । अमेरिकाको क्यालिफर्नियामा कोरोना भाइरसको संक्रमणबाट एक जनाको मृत्यु भएपछि आपतकाल घोषणा गरिएको छ ।

अमेरिकी अधिकारीका अनुसार ७१ वर्षीय एक जना पुरुषको मृत्यु भएपछि क्यालिफोर्नियामा आपतकाल घोषणा गरिएको हो । बिहीबारसम्म अमेरिकामा कोरोना भाइरसको संक्रमणबाट ११ जनाको मृत्यु भइसकेको छ। कोरोना भाइरसको संक्रमण फैलिन नदि बुधबारदेखि नै सम्बन्धित निकायहरुलाई सक्रिय हुन ह्वाइट ह्वाउसले निर्देशन दिइसकेको छ । अधिकारीहरुका अनुसार अमेरिकाको १६ राज्यमा कम्तीमा १५० जनामा कोरोना भाइरसको संक्रमण भेटिएको छ । त्यस्तै विश्वभरि कोरोना भाइरसबाट संक्रमित हुनेको संख्या ९५ हजार नाघेको छ । चीनमात्र ८० हजार मानिस कोरोना भाइरसबाट संक्रमित छन् ।

त्यस्तै कोरोना भाइरसको संक्रमणबाट विश्वभरि ३ हजार दुई सय ८५ जनाको मृत्यु भएको छ । कोरोना भाइरसको संक्रमण जटिल बन्दै गएपछि युरोपियन देश इटलीले देशभरका विद्यालय बन्द गर्न निर्देशन दिएको छ । कोरोना भाइरससंग जुध्न आजदेखि १० दिनसम्म देशभरका विद्यालय बन्द गरिएको अन्तर्राष्ट्रिय सञ्चार माध्यमहरूले जनाएका छन् । त्यस्तै, देशभित्र हुने खेल प्रतियोगितामा पनि इटलीले प्रतिबन्ध लगाएको छ । रू