लहान, १८ पुस । सिरहाको लहान नगरपालिका ७ स्थितमा रहेको सडक डिभिजन कार्यालय लहानका निमित्त प्रमुख सिभिल इञ्जिनियर विनोद साहलाई अख्तियार दुरुपयोग अनुसन्धान आयोग बर्दिबासबाट खटिएको टोलीले तीन लाख घुस रकमसहित पक्राउ गरेको छ । उनलाई शुक्रबार साँझ ७स्४५ बजे लहान सडक डिभिजन कार्यालय भित्र रहेको क्वाटरबाट नै पक्राउ गरेको हो ।
यस्तै, इञ्जिनियर नवीन साह र ओभरसियर विरेन्द्र साहलाई १५ लाख ९६ हजार घुस रकमसहित पक्राउ गरिएको अख्तियार अनुसन्धान बर्दिबासले जनाएको छ । रुपनीदेखि राजविराज हुँदै कुनौलीसम्मको सडकमा निर्माण सम्पन्न गरेपछि बाँकी भुक्तानीका बेला ठेकेदारसँग घुस मागेका उनीहरुलाई पक्राउ गरिएको अख्तियार अनुसन्धान बर्दिबासले जनाएको छ ।
पक्राउ गरिएको तीनै जनालाई अख्तियारको टोलीले थप अनुसन्धानका लागि बर्दिबास लगेको छ ।
प्रतिक्रिया दिनुहोस्