काठमाडौं, ९ पुस । सरकारका उपप्रधान तथा रक्षामन्त्री इश्वर पोखरेलले वर्तमान सरकारको एक वर्ष नीति निर्माणमा बितेको बताउनुभएको छ ।  उहाले एबीसी न्युज टेलिभिजनको कार्यक्रम आउटलुकका लागि प्रधानसम्पादक शुभशंकर कंडेलसंग कुरा गर्दै उक्त कुरा बताउनु भएको हो । कार्यक्रममा बोल्दै उहाँले सरकारले यो एक वर्षमा विकासको जग निर्माण गरेको र अबको बर्ष विकास निर्माणका कामहरु सुरु हुने दावी गर्नु भयो ।  एक वर्ष सम्म निति निमार्ण र जग बसाल्नै लागेको बताउदै उहाले त्यसपछि सरकारका आम जनताले अनुभुतिगर्ने गरि काम गरिएको बताउनु भएको छ । उहाले विकास तत्काल नहुने बताउदै चरणवद्धरुपमा विकास भई रहेको बताउनुभयो । उहाले पहिलो वर्ष आधार वर्षको रुपमा निमार्ण गरिएको अव सरकारले मुलुकमा नयाँ र महत्वपूर्ण कामहरु अगाडि बढाइरहेको समेत बताउनुभयो । ‘सुखी नेपाली र समृद्ध नेपाल निमार्ण गर्नका लागि सरकारले काम अगाडि बढाएको बताउनुभयो । उहाले आगामी ४ वर्षमा सरकारले धेरै नमुना काम गर्ने दावी गर्नुभयो । मुलुक विगतको तुलनामा धेरै राम्रो स्थितिमा रहेको भन्दै उहाँले आर्थिक समृद्धितर्फ लैजान सबैको ध्यान केन्द्रीत हुनुपर्नेमा जोड दिनुभयो ।