काठमाडौं, ८ पुस । काठमाडौंको गुर्जुधारामा आज बिहान नम्बर नखुलेको ट्रकको ठक्करबाट एक जनाको मृत्यु भएको छ ।
बिहान सवा ६ बजे भएको दुर्घटनामा चन्द्रागिरि नगरपालिका ७ थानकोट, चेकपोस्ट घर भएका ४१ वर्षीय अर्जुनबहादुर केसीको मृत्यु भएको प्रहरीले पुष्टि गरेको हो । केसी प्रदेश ३–०२००९ प ७६२१ नम्बरको मोटरसाइकलमा थिए । उनी कलंकीमा रहेको एलआरआई स्कुलमा १० वर्षीय छोरालाई मोटरसाइकलमा राखेर र्पुयाउ“दै गर्दा नम्बर नखुलेको ट्रकले ठक्कर दिएको हो ।
उनको घटनास्थलमै मृत्यु भएको प्रहरीले जनाएको छ । दुर्घटनामा केसीका छोरा सामान्य घाइते मात्रै भएका छन् । दुर्घटनापछि ट्रक भागेको छ । ट्रकको खोजी भइरहेको प्रहरीले जनाएको छ । केसीको शव पोष्टमार्टमका लागि त्रिवि शिक्षण अस्पताल लगिएको छ ।
प्रतिक्रिया दिनुहोस्